షకుర్‌పూర్ ప్రాంతంలో వృద్ధురాలిపై అత్యాచారం చేసిన కేసులో ఢిల్లీ మహిళా కమిషన్ (డీసీడబ్ల్యూ) సెప్టెంబర్ 1న నగర పోలీసులకు నోటీసులు జారీ చేసింది. మురికివాడలో ఒంటరిగా ఉంటున్న 85 ఏళ్ల బాధితురాలు, తెల్లవారుజామున 4 గంటల సమయంలో ఒక వ్యక్తి తన నివాసంలోకి చొరబడి తనపై అత్యాచారం చేశాడని ప్యానెల్ తెలిపింది. నిందితులు తన ముఖంపై కొట్టారని, బ్లేడ్‌తో పెదవి కోసి గొంతు కోసి చంపేందుకు ప్రయత్నించారని కూడా ఆమె తెలియజేసింది. ఆమె శరీరం, ప్రైవేట్ భాగాలపైనా గాయాలు ఉన్నాయని డిప్యూటీ కమిషనర్ ఆఫ్ పోలీస్‌కి ఇచ్చిన నోటీసులో ప్యానెల్ స్పష్టం చేసింది.
Also Read : రైల్లోని టాయ్లెట్లో మహిళ శవం.. ఎవరైనా చంపారా లేక మరేదైనా..?
జిల్లాలో ఒంటరిగా నివసిస్తున్న వృద్ధులందరి జాబితా పోలీసుల వద్ద ఉందా లేదా అనే అంశంతో పాటు ఈ విషయంలో నమోదైన ఎఫ్‌ఐఆర్ కాపీని ప్యానెల్ కోరింది. సెప్టెంబరు 5లోగా దీనిపై చర్యలు తీసుకుని నివేదిక ఇవ్వాలని డీసీడబ్ల్యూ కోరింది. ఈ ఘటనపై ఢిల్లీ మహిళా కమిషన్ (డీసీడబ్ల్యూ) చీఫ్ స్వాతి మలివాల్ ట్విట్టర్ వేదికగా ఆగ్రహం వ్యక్తం చేశారు.
#Delhi: दिल्ली के शकूरपुर इलाके में 85 साल की बुजुर्ग महिला से रेप के मामले में दिल्ली महिला आयोग ने दिल्ली पुलिस को नोटिस जारी किया। https://t.co/nSsir0Y4J6
— NBT Dilli (@NBTDilli) September 1, 2023
