జీడిమెట్ల, వెలుగు: అర్హులైన పేదలకు డబుల్ బెడ్రూం ఇండ్లు, కొత్త రేషన్ కార్డులు, పెన్షన్లు ఇవ్వాలని డిమాండ్ చేస్తూ బీజేపీ నాయకులు సోమవారం కుత్బుల్లాపూర్లోని ఎమ్మెల్యే క్యాంప్ ఆఫీసు ముట్టడి ఉద్రిక్తతకు దారి తీసింది. మాజీ ఎమ్మెల్యే, బీజేపీ నేత కూన శ్రీశైలం గౌడ్ను జగద్గిరిగుట్ట పోలీసులు హౌస్ అరెస్ట్ చేశారు.
ఆయన ఇంటికి పోలీసులు తాళం వేశారు. విషయం తెలుసుకున్న బీజేపీ నాయకులు, కార్యకర్తలు శ్రీశైలం గౌడ్ ఇంటికి చేరుకున్నారు. పోలీసులుతో వాగ్వాదానికి దిగారు. ఉద్రిక్త పరిస్థితి నెలకొనడంతో పోలీసులు శ్రీశైలం గౌడ్ను అరెస్ట్ చేసి పీఎస్ కు తరలించారు. ఈ సందర్భంగా ఆయన మాట్లాడుతూ.. పోలీసులు బీఆర్ఎస్ కార్యకర్తల్లా వ్యవహరిస్తున్నారని మండిపడ్డారు.
