న్యూఢిల్లీ: దేశంలో 15 నుంచి 18 ఏండ్ల వయసున్న కోటి మంది టీనేజర్లకు రెండు డోసులు వ్యాక్సిన్ పూర్తయిందని కేంద్ర హెల్త్ మినిస్టర్ మన్సుఖ్ మాండవీయ బుధవారం ట్వీట్ చేశారు. ఇప్పటివరకు 5.04 కోట్ల మంది టీనేజర్లు ఫస్ట్ డోసు తీసుకున్నారని చెప్పారు. పిల్లలకు వ్యాక్సినేషన్ ద్వారా దేశ భవిష్యత్ను కాపాడుకోవాలన్న లక్ష్యంతో ప్రభుత్వం పనిచేస్తోందని పేర్కొన్నారు. రిజిస్ట్రార్ జనరల్ ఆఫ్ ఇండియా ప్రకారం దేశంలో 15–18 ఏండ్ల వయసున్న టీనేజర్ల సంఖ్య 7.4 కోట్లుగా ఉంది.
