హైదరాబాద్ ట్రాఫిక్ పోలీసులు గురువారం వాహనాల తనిఖీలు చేపట్టారు. కలెక్టరేట్ సమీపంలో అబిడ్స్ ట్రాఫిక్ పోలీసులు జగదీష్ మార్కెట్ దగ్గర తనిఖీ చేస్తుండగా..అప్పుడే అటుగా వచ్చిన ap13ab1474 నంబర్ ఉన్న ఓ బైక్ ను ఆపి తనిఖీ నిర్వహించారు. లైసెన్స్ తో రూల్స్ ప్రకారం వెహికిల్ కు ఉండాల్సిన అన్ని సర్టిఫికెట్లను పరిశీలించారు. అయితే ఆ బైక్ పై 141 చలాన్లు ఉన్నట్లు గుర్తించారు. 141 చలాన్లకు..33000 రూపాయలు చెల్లించాల్సి ఉంది. మొత్తం చలానా చెల్లించకుండా పెండింగ్ లో ఉండటంతో వాహనాన్ని సీజ్ చేశారు. ఆ బైక్ ఫిరోజ్ అనే వ్యక్తికి చెందింది.
