భద్రాద్రి కొత్తగూడెం, వెలుగు : ఓ బాలికపై అత్యాచారం కేసులో నిందితుడికి 27 ఏండ్లు జైలు శిక్ష విధిస్తూ కొత్తగూడెం ఫస్ట్ అడిషనల్డిస్ట్రిక్ట్ సెషన్స్జడ్జి (పోక్సో కోర్టు)ఎం. శ్యాం సోమవారం సంచలనాత్మక తీర్పు చెప్పారు. కొత్తగూడెం వన్టౌన్ పోలీస్స్టేషన్ పరిధిలోని శ్రీనివాస్(42) మాయమాటలతో 17 ఏండ్ల బాలికపై అత్యాచారం చేశాడు. దీనిపై పట్టణంలోని వన్టౌన్ పోలీస్స్టేషన్లో 2019, మే 7వ తేదీన కేసు నమోదైంది. కోర్టులో13 మంది సాక్షులను విచారించిన తర్వాత నేరం రుజువు కావడంతో పోక్సో యాక్ట్ కింద 25 ఏండ్ల జైలు, రూ.పదివేల ఫైన్..అలాగే ఐపీసీ 506 సెక్షన్ కింద మరో రెండేండ్ల జైలుతో పాటు రూ.మూడు వేల జరిమానా విధించారు. ప్రాసిక్యూషన్తరఫునస్పెషల్పబ్లిక్ ప్రాసిక్యూటర్ రామారావు వాదనలు వినిపించగా, లైజన్ఆఫీసర్లుగా వీరబాబు, హరిగోపాల్ వ్యవహరించారు. కోర్టు పీసీ కరీముద్దీన్ సహకరించారు.
