- ఆస్పత్రిలో చేరిన 70 మంది పిల్లలు
- కర్నాటకలోని స్కూల్లో ఘటన
బెంగళూరు: కర్నాటక చామరాజనగర్ జిల్లాలోని ఓ ప్రభుత్వ స్కూల్లో మధ్యాహ్న భోజనం తిన్న 70 మంది స్టూడెంట్లు ఆస్పత్రి పాలయ్యారు. సోమవారం లంచ్ టైంలో బల్లి పడిన సాంబారును పిల్లలకు వడ్డించారు. అది తిన్న స్టూడెంట్లకు వాంతులు, కడుపునొప్పి రావడంతో ఆస్పత్రికి తీసుకెళ్లి ట్రీట్మెంట్ చేయించారు. అయితే, ఎవరికీ అపాయంలేదని డాక్టర్లు చెప్పారు. ఈ విషయం తెలుసుకున్న పేరెంట్స్ స్కూల్ మేనేజ్మెంట్ పై మండిపడ్డారు. కాగా, సాంబారులో బల్లి పడినట్లు గుర్తించగానే వంటమనిషి అందరినీ అలర్ట్ చేశాడని పబ్లిక్ ఇన్స్ట్రక్షన్ డిప్యూటీ డైరెక్టర్ మంజునాథ్ మీడియాతో చెప్పారు.
