రంగారెడ్డి జిల్లా శంషాబాద్ లో దారుణం జరిగింది. స్థానికంగా ఉన్న గండిగూడ పామ్ అరేబియనా రెస్టారెంట్ నిర్లక్ష్యం కారణంగా మూడేళ్ల బాలుడు మృతి చెందాడు. రెస్టారెంట్ లోని గుర్రంతో ఆడుకుంటూ ప్రమాదవశాత్తు క్రింద పడ్డాడు. బెదిరిన ఆ గుర్రం బాలుడి పైనుండి వెళ్లడంతో తీవ్రంగా గాయపడ్డాడు.
గాయపడిన బాలుణ్ని అతని తల్లిదండ్రులు స్థానికంగా ఉన్న హాస్పిటల్ తరలించారు. కానీ అప్పటికే బాలుడు మృతి చెందాడని డాక్టర్లు తెలిపారు.
ఈ విషయాన్ని బయటకు పొక్కకుండా రహస్యంగా ఉంచేందుకు ఆ రెస్టారెంట్ యాజమాన్యం ప్రయత్నించింది. రెస్టారెంట్ నిర్లక్ష్యం కారణంగానే తమ కూమారుడు చనిపోయాడని బాలుడి తల్లిదండ్రులు ఆరోపించారు.
విషయం తెలుసుకున్న శంషాబాద్ రూరల్ పోలీసులు కేసు నమోదు చేసి దర్యాప్తు చేస్తున్నారు. రెస్టారెంట్ నిర్వహకునిపై 304 A సెక్షన్ కింద కేసు నమోదు చేసిన పోలీసులు. మృతి చెందిన బాలుడు పాతబస్తీకి చెందిన బాకేర్ షరీఫ్ కుమారుడు హైదర్ షరీఫ్ గా గుర్తించారు.
