పద్మారావునగర్, వెలుగు: సికింద్రాబాద్ లో గురువారం సాయంత్రం కురిసిన భారీ వర్షానికి ఓ మహిళ నాలాలో కొట్టుకుపోయింది. దాదాపు అద్దగంటకు పైగా వర్షం కురవడంతో నాలాలు పొంగి ప్రవహించాయి. దూద్ బావి నాలా ప్రాంతంలో ఓ మహిళ(45) వరద నీటిలో నడుస్తూ ముందుకు వెళ్లింది. అదుపు తప్పి నాలాలో పడిపోయింది.
మెట్టుగూడ కార్పొరేటర్ రాసూరి సునీత స్థానికులతో కలిసి వెతికినా దొరకలేదు. నీటి ప్రవాహానికి దాదాపు నాలుగు కిలోమీటర్లు నాలాలో కొట్టుకుపోయిన మహిళ.. చివరికి వారాసిగూడ పీఎస్పరిధిలోని అంబర్నగర్వద్ద విగతజీవిగా కనిపించింది.
స్థానికులు ఆమె మృతదేహాన్ని నాలా నుంచి బయటకు తీసి, పోలీసులకు సమాచారం అందించారు. మహిళ వివరాలు తెలియరాలేదని, దీనిపై దర్యాప్తు చేస్తున్నట్లు వారాసిగూడ ఇన్స్పెక్టర్పి.శంకర్ తెలిపారు. డెడ్బాడీని గాంధీ మార్చురీకి తరలించారు.
