బయ్యారం/మహబూబాబాద్ అర్బన్, వెలుగు: ప్రియుడి వేధింపులు తట్టుకోలేక ఓ యువతి ఆత్మహత్య చేసుకుంది. ఈ ఘటన మహబూబాబాద్ జిల్లా బయ్యారం మండలం సాంబతండాలో జరిగింది. స్థానికులు, పోలీసులు తెలిపిన వివరాల ప్రకారం.. సాంబ తండాకు చెందిన ధర్మసోత్ సునీత(22) బీఈడీ చేసింది. అదే తండాకు చెందిన మాలోత్శివ, సునీత ఒకర్నొకరు ఇష్టపడ్డారు. పెండ్లి చేసుకోవాలని అనుకున్నారు. విషయం ఇంట్లో వాళ్లకు తెలిసింది. శివ కుటుంబసభ్యులు పెండ్లికి ఒప్పుకోలేదు. అప్పటి నుంచి ఇద్దరి మధ్య దూరం పెరిగింది. ఆదివారం ఇంట్లో ఎవరూ లేని సమయంలో సునీత ఉరేసుకుని ఆత్మహత్య చేసుకుంది.
4 పేజీల సూసైడ్ నోట్
సునీత తన ఆత్మహత్యకు కారణాలు వివరిస్తూ 4 పేజీల నోట్రాసింది. సూసైడ్నోట్లో.. ‘గత నెల 22న ఇంట్లో ఎవరూ లేని సమయంలో శివ ఇంటికి వచ్చి నాపై హత్యాయత్నం చేశాడు. గొంతుకు చున్నీ బిగించాడు. స్పృహ కోల్పోవడంతో చనిపోయానని భావించి పారిపోయాడు. తర్వాత మరోసారి వాళ్ల బంధువులు రమేశ్, భిక్షం, భావ్సింగ్తో కలిసి నన్ను కిడ్నాప్చేసేందుకు ప్రయత్నించారు. విషయం మా తల్లిదండ్రులకు చెప్పడంతో మరుసటి రోజు పోలీస్స్టేషన్కు వెళ్తుండగా శివ అడ్డుకుని మా నాన్నపై కర్రతో దాడి చేశాడు. అంతేగాక మా నాన్నను హత్య చేయాలని కుట్ర చేశారు. గత నెల 24న ఏఎస్సైకు ఫిర్యాదు చేసినా పట్టించుకోలేదు. ప్రూఫ్లేదని మా నాన్నపైనే కేసు నమోదు చేశారు. తర్వాత నుంచి శివ కుటుంబసభ్యులు ప్రతిరోజు మమ్మల్ని నానా బూతులు తిడుతూ మానసికంగా ఇబ్బంది పెడుతున్నారు’ అంటూ పేర్కొంది.
