ఏసీలతో జాగ్రత్తగా ఉండాలి..దానిని నిత్యం మెయింటనెన్స్ చూసుకోవాలి. లేకపోతే ఎప్పుడు పేలుతాయో తెల్వదు. నాలుగు రోజుల క్రితం సుచిత్రలోని వసంత్ విహార్ కాలనీలో టీవీలు, ఏసీలు పేలిపోయిన సంగతి తెలిసిందే.. లేటెస్ట్ గా హైదరాబాద్ బాచుపల్లిలో ఇలాంటి ఘటనే జరగింది. సాయి అనురాగ్ కాలనీ, ఎస్ఆర్కే ఎన్ క్లేవ్ అపార్ట్ మెంట్లో ఏసీ పేలి పోయింది.
ఇంట్లో ఉన్న ఏసీ ఇండోర్ యూనిట్ షార్ట్ సర్క్యూట్ కారణంగా అకస్మాత్తుగా పేలిపోవడంతో ఇల్లు అంతా పొగతో నిండిపోయింది. ఏసీ ఉన్న రూం దగ్ధం అయ్యింది. ఇంట్లో ఉండే జ్యోతి అనే మహిళకు గాయాలవ్వగా చికిత్స కోసం సమీప ఆసుపత్రికి తరలించారు. సమాచారం అందుకున్న హైడ్రా టీం, అగ్నిమాపక సిబ్బంది సంఘటనా స్థలానికి చేరుకుని పరిస్థితిని సమీక్షించారు.
AC ని ఆపరేట్ చేస్తున్నపుడు కొన్ని ముఖ్యమైన చిట్కాలు
నిరంతర వాడకాన్ని నివారించండి: ఏసీని చాలామంది 15గంటలు అంతకంటే ఎక్కువ సమయం ఆన్ లోనే ఉంచుతారు. ఇది చాలా పొరపాటు. దీని వల్ల ఏసీ బ్లాస్ట్ అయ్యే అవకాశం ఉంది. 4 నుంచి 5 గంటల తర్వాత యూనిట్‌ను ఆపివేసి ఒకటి లేదా రెండు గంటలు విరామం ఇవ్వడం మంచిది.
ఫిల్టర్ శుభ్రం చేయండి: గాలి ప్రసరింపజేయడంలో ఫిల్టర్ కీలక పాత్ర పోషిస్తుంది. అది మురికిగా ఉంటే కంప్రెసర్‌పై అదనపు ఒత్తిడిని పడుతుంది.ఈ సమస్యను నివారించేందుకు ప్రతి 4 నుంచి 5 వారాలకు ఒకసారి AC ఫిల్టర్‌ను శుభ్రం చేయాలి.
గ్యాస్ లీకేజీలను చెక్ చేయాలి:మీ ACలో గ్యాస్ లీక్ అయితే తీవ్రమైన పేలుళ్లకు దారితీయవచ్చు. ముఖ్యంగా బయటకు వచ్చే గ్యాస్ వేడి కంప్రెసర్‌తో తాకినప్పుడు ఈ ప్రమాదం ఎక్కువగా ఉంటుంది. వేసవిలో మీ ACని తరచుగా ఉపయోగిస్తుంటే గ్యాస్ లీకేజీ ఉందా అనే తప్పకుండా చెక్ చేయాలి.
స్టెబిలైజర్ వినియోగించాలి:మీ ప్రాంతంలో విద్యుత్ హెచ్చుతగ్గులు ఉంటే ఏసీ పాడయ్యే అవకాశం ఉంది. నష్టాన్ని నివారించడానికి AC తో నమ్మకమైన స్టెబిలైజర్‌ను ఉపయోగించాలి.
సరైన ఉష్ణోగ్రతను సెట్టింగ్: ఏసీ సరిగ్గా పనిచేయాలని, మంచి పనితీరును ప్రదర్శించాలన్నా, కరెంట్ బిల్లులు ఆదా చేయాలన్నా ACని ఎల్లప్పుడూ 24 డిగ్రీల సెల్సియస్ ఉష్ణోగ్రతకు సెట్ చేసుకోవాలి. ఉష్ణోగ్రతను ఎక్కువగా తగ్గించడం వల్ల కరెంట్ బిల్లుల మోత మోగుతుంది. ఈ చిట్కాలను పాటించడం ద్వారా AC సంబంధిత ప్రమాదాల ఇబ్బంది లేకుండా చల్లని ,సురక్షితమైన వేసవిని ఆస్వాదించవచ్చు.
