అడిలైడ్ వన్డేలో టీమిండియా కుదురుకున్నట్టే కనిపిస్తోంది. ఆస్ట్రేలియాతో గురువారం (అక్టోబర్ 23) ప్రారంభమైన రెండో వన్డేలో తొలి రెండు వికెట్లు కోల్పోయిన ఇండియా.. అద్భుతమైన కంబ్యాక్ ఇచ్చింది. 17 పరుగులకే రెండు వికెట్లు కోల్పోయిన భారత జట్టును శ్రేయాస్ అయ్యర్ (61), రోహిత్ శర్మ (71) ఆదుకున్నారు. మూడో వికెట్ కు 118 పరుగుల భారీ భాగస్వామ్యాన్ని నెలకొల్పి జట్టును తక్కువ స్కోర్ కు పరిమితం కాకుండా చేశారు. అయితే వీరిద్దరూ హాఫ్ సెంచరీల తర్వాత దూకుడుగా ఆడే క్రమంలో తమ వికెట్లను సమర్పించుకున్నారు.
కోహ్లీ డకౌట్, గిల్ సింగిల్ డిజిట్:
తొలి వన్డే మాదిరి స్టార్ బ్యాటర్లు విరాట్ కోహ్లీ, శుభమాన్ గిల్ నిరాశపరిచారు. 9 పరుగుల వ్యక్తిగత స్కోర్ వద్ద గిల్ లాంగాఫ్ లో బౌండరీ కొట్టడానికి ప్రయత్నించి మార్ష్ కు క్యాచ్ ఇచ్చి ఔటయ్యాడు. ఇన్నింగ్స్ ఏడో ఓవర్ ఐదో బంతికి బార్ట్ లెట్ వేసిన అద్భుతమైన ఇన్ స్వింగ్ ధాటికి ఎల్బీడబ్ల్యూ రూపంలో విరాట్ కోహ్లీ వెనుదిరిగాడు. అదే ఓవర్ ఐడి ఈ రెండు వికెట్లు ఇన్నింగ్స్ ఏడో ఓవర్లో బార్ట్ లెట్ తీసుకున్నాడు. ప్రస్తుతం ఇండియా తొలి 10 ఓవర్లు ముగిసేసరికి 2 వికెట్ల నష్టానికి 29 పరుగులు చేసింది. ఈ రెండు వికెట్లు ఇన్నింగ్స్ ఏడో ఓవర్లో బార్ట్ లెట్ తీసుకున్నాడు.
రోహిత్, అయ్యర్ నిలకడ:
వరుసగా రెండు వికెట్లు పడడంతో ఇండియా ఒత్తిడిలో పడింది. ఈ దశలో ఆసీస్ బౌలర్లు టీమిండియాపై మరింత ఒత్తిడి తీసుకొచ్చే ప్రయత్నం చేశారు. దీంతో రోహిత్, అయ్యర్ పరుగులు చేయడానికి తీవ్రంగా ఇబ్బందిపడ్డారు. తొలి ఓవర్లలో ఇండియా కేవలం 29 పరుగులు మాత్రమే చేయగలిగింది. ఆ తర్వాత ఒక్కసారిగా మన బ్యాటర్లు బ్యాట్ కు పని చెప్పారు. వరుస బౌండరీలతో హోరెత్తించారు.
మిచ్లే ఓవెన్ బౌలింగ్ లో రోహిత్ శర్మ మూడు బంతుల వ్యవధిలో రెండు సిక్సర్లు బాది ఆధిపత్యం చూపించాడు. ఈ క్రమంలో ఇద్దరూ తమ హాఫ్ సెంచరీలు పూర్తి చేసుకున్నారు.
భారీ స్కోర్ ఖాయమనుకుంటే ఆస్ట్రేలియా మరోసారి పుంజుకుంది. స్వల్ప వ్యవధిలో రోహిత్ శర్మ, శ్రేయాస్ అయ్యర్, కేఎల్ రాహుల్ వికెట్లు పడగొట్టి మరోసారి ఇండియాను కష్టాల్లో పడేసింది. ప్రస్తుతం ఇండియా 37 ఓవర్లలో 5 వికెట్ల నష్టానికి 177 పరుగులు చేసింది. క్రీజ్ లో అక్షర్ పటేల్, వాషింగ్ టన్ సుందర్ ఉన్నారు. ఆస్ట్రేలియా బౌలర్లలో బార్ట్ లెట్, జంపా చెరో రెండు వికెట్లు పడగొట్టారు. స్టార్క్ కు ఒక వికెట్ దక్కింది.
