హైదరాబాద్, వెలుగు: సుమన్ ను అరెస్టు చేయడం కాదు.. ఆయనతో టెర్రరిస్టులా ఎవరు మాట్లాడించారో పోలీసులు తేల్చాలని విప్ అద్దంకి దయాకర్ డిమాండ్ చేశారు. బీఆర్ఎస్ పొలిటికల్ డ్రామాలో సుమన్ బలయ్యాడని ఆరోపించారు. శనివారం మీడియాకు ఒక ప్రకటన విడుదల చేశారు. దాడులు చేయాలనేది బీఆర్ఎస్ నైజమన్నారు. సుమన్ తప్పుచేసి గొప్పగా చెప్పుకోవడం సిగ్గుచేటన్నారు. బీఆర్ఎస్ బతుకంతా రెచ్చగొట్టడమేనని, అధికారం కోసం ఎంతకైనా తెగిస్తుందని దుయ్యబట్టారు.
