హైదరాబాద్ ట్రాఫిక్ ఎల్ఈడీకి బిగ్బీ సలాం!

మన హైదరాబాదీ ట్రాఫిక్ పోలీసుల ఐడియా బిగ్ బీ అమితాబ్ బచ్చన్కు తెగ నచ్చేసింది. కేబీఆర్ పార్కు వద్ద ఉన్న ట్రాఫిక్ సిగ్నల్స్ జీబ్రా క్రాసింగుల ముందు రంగులు మారే ఎల్ఈడీ లైట్లను జీహెచ్ఎంసీ ప్రయోగాత్మకంగా ఏర్పాటు చేసింది. సిగ్నల్ ఇవ్వగానే గ్రీన్, ఆగమంటూ రెడ్, అలర్ట్ చేసేందుకు ఆరెంజ్ కలర్లో లైట్లను ఉంచారు. వాటిని చూడగానే వాహనదారులు ఆగడం, జీబ్రా క్రాసింగు మీదుగా జనాలు రోడ్డు దాటడం బిగ్ బీకి నచ్చింది. ‘సూపర్ ఐడియా’ చాలా మంచి పని చేశారంటూ ట్రాఫిక్ పోలీసులు, జీహెచ్ఎంసీ ఆఫీసర్లను మెచ్చుకున్నారు.