కరీంనగర్ : కరీంనగర్ -బొమ్మకల్ బైపాస్ రోడ్డులో ప్రమాదం జరిగింది. అక్టోబర్ 8వ తేదీ రాత్రి కారు ఢీకొన్న ప్రమాదంలో ఇద్దరు మహిళలు మృతి చెందారు. కరీంనగర్ ఎన్టీఆర్ చౌరస్తా నుంచి హౌసింగ్ బోర్జు కాలనీ వైపు టూవీలర్ పై ఇద్దరు మహిళలు వెళ్తుండగా వెనుక నుంచి వేగంగా వచ్చిన కారు వారిని ఢీకొంది.
ఈ ఘటనలో హౌసింగ్ బోర్డు కాలనీకి చెందిన సిరిమల్ల జ్యోతి (45) , మల్కాపూర్ కు చెందిన సౌజన్య(24) మృతిచెందారు. జ్యోతి.. ఓ ప్రభుత్వ ఉన్నత పాఠశాల ప్రిన్సిపాల్. సౌజన్య డిగ్రీ పూర్తి చేసి.. పోటీ పరీక్షలకు సిద్ధమవుతోంది. ఆదివారం రాత్రి కలిసి ఇద్దరూ వెళ్తుండగా ప్రమాదం జరిగింది. ఈ ఘటనపై కేసు నమోదు చేసుకున్న పోలీసులు.. అన్ని కోణాల్లోనూ దర్యాప్తు చేస్తున్నారు.
