అనంత్‌నాగ్ లో కాల్పులు జరిగిన మూడు రోజుల తర్వాత, హత్‌లంగా బారాముల్లా వద్ద ఎల్‌ఓసీ సమీపంలోని ఉరీ ఫార్వర్డ్ ఏరియాలో ఉగ్రవాదులు, ఆర్మీ & పోలీసుల ఉమ్మడి బృందానికి మధ్య మరో ఎన్‌కౌంటర్ ప్రారంభమైంది. ఈ ఆపరేషన్‌లో ఒక ఉగ్రవాది హతమయ్యాడని, మరో ఉగ్రవాది చిక్కుకున్నాడని భావిస్తున్నారు. ఆపరేషన్ కొనసాగుతోందని, మరిన్ని వివరాలు తెలియాల్సి ఉందని పోలీసులు తెలిపారు.
ALSO READ: మాజీ నక్సలైట్ అంత్యక్రియలకు పోలీసుల అడ్డగింత
అనంత్‌నాగ్ జిల్లాలోని కొండ ప్రాంతంలో స్థావరాలు ఏర్పరచుకున్న ఉగ్రవాదులను మట్టుబెట్టేందుకు ఆపరేషన్ జరుగుతున్న తరుణంలో ఇది జరిగింది. ఉగ్రవాదులపై భారత సైన్యం, జమ్మూ కాశ్మీర్ పోలీసులు ఆపరేషన్ కొనసాగిస్తున్న క్రమంలో అనంత్‌నాగ్ జిల్లాలో ఎన్‌కౌంటర్ నాలుగో రోజుకు చేరుకుంది. ప్రస్తుతం కోకెర్‌నాగ్ ప్రాంతంలోని కొండపై ఉన్న గుహలో ఉగ్రవాదులు చిక్కుకోగా, భద్రతా బలగాలు ఉగ్రవాదులను చుట్టుముట్టాయి. అనంత్‌నాగ్‌లోని కోకర్నాగ్ ప్రాంతంలోని గాడోల్ అడవుల్లోని పర్వతాల్లోని ఓ గుహలో ఉగ్రవాదులు దాక్కున్నట్లు డ్రోన్ ఫుటేజీలో తేలింది.
అంతకుముందు అనంత్‌నాగ్ జిల్లా కోకెర్‌నాగ్‌లోని గాడోల్ అడవుల్లో ఉగ్రవాదులతో జరిగిన ఎన్‌కౌంటర్‌లో నలుగురు భద్రతా దళాల సిబ్బంది - 19 రాష్ట్రీయ రైఫిల్స్ కమాండింగ్ ఆఫీసర్ కల్నల్ సింగ్, మేజర్ ధోంచక్, డిప్యూటీ సూపరింటెండెంట్ ఆఫ్ పోలీస్ హుమయూన్ భట్, ఒక సైనికుడు మరణించారు.
#Encounter has started between #terrorists and Army & Baramulla Police in forward area of #Uri, Hathlanga in #Baramulla district. Further details shall follow.@JmuKmrPolice
— Kashmir Zone Police (@KashmirPolice) September 16, 2023
