- మున్సిపాలిటీల్లో బీఆర్ఎస్ క్యాడర్ ఖాళీ
- పాలకవర్గాలన్నీ కాంగ్రెస్ ఖాతాల్లోకే..
- రూరల్ ఓటర్లకు గాలం వేసేందుకు ప్లాన్
- ఎన్నికల కార్యాచరణ అక్కడి నుంచే ప్రారంభం
నల్గొండ, వెలుగు : పార్లమెంట్ ఎన్నికల్లో బీఆర్ఎస్పార్టీకి అర్బన్ టెన్షన్పట్టుకుంది. ఉమ్మడి జిల్లాలోని 19 మున్సిపాలిటీల్లో గులాబీ జెండా ఎగురవేసిన బీఆర్ఎస్ చివరకు చతికిల పడింది. రాష్ట్రంలో అధికారం కోల్పోయిన రెండు నెలల వ్యవధిలోనే జిల్లాలోని మున్సిపాలిటీలన్నీ ఒక్కొక్కటి కాంగ్రెస్ ఖాతాల్లో చేరిపోయాయి. ఎమ్మెల్యే అభ్యర్థులు నచ్చక ఎన్నికలకు ముందే కొందరు కాంగ్రెస్లో చేరిపోగా, బీఆర్ఎస్ అధికారం కోల్పోవడంతో రాజకీయ భవిష్యత్ ఉండదని భావించిన మరికొందరు చైర్మన్లు, కౌన్సి లర్లు కాంగ్రెస్ గూటికి చేరారు.
కాంగ్రెస్లో చేరిన కౌన్సిలర్లు అవిశ్వాస తీర్మానాలు పెట్టించి చైర్మన్లను గద్దె దించారు. దీంతో ప్రస్తుతం సూర్యాపేట, ఆలేరు, భూదాన్పోచంపల్లి, చండూరు, నకిరేకల్, మిర్యాలగూడ మినహా మిగిలిన చోట్ల కాంగ్రెస్పాలకవర్గాలు కొలువుదీరాయి. బీఆర్ఎస్బలంగా ఉన్న పట్టణాల్లో పార్టీ కేడర్ దాదాపు తుడిచిపెట్టుకు పోయింది. దీంతో ఎంపీ ఎన్నికల్లో ఏ విధంగా ముందుకెళ్లాలో అర్థంకాక గులాబీ నేతలు తలలు పట్టుకుంటున్నారు.
భువనగరి ఎంపీ సెగ్మెంట్లోనూ అదే సీన్..
భువనగిరి ఎంపీ సెగ్మెంట్పరిధిలో ఆలేరు, పోచంపల్లి, చండూరు, నకిరేకల్మున్సిపాలిటీలు మాత్రమే బీఆర్కు మిగిలాయి. యాదగిరిగుట్ట, భువనగిరి, చౌటుప్పుల్, మోత్కూరు, చిట్యాల కాంగ్రెస్ ఖాతాలోకి చేరాయి. దీంతో ఇక్కడ కూడా పార్టీ పరిస్థితి అగమ్యగోచరంగా మారింది. బీఆర్ఎస్ నుంచి కాంగ్రెస్లోకి వలసలు భారీగా పెరిగాయి. ఎంపీపీలు, జడ్పీటీసీలు సైతం బీఆర్ఎస్కు గుడ్బై చెప్పడంతో ఇక్కడ పార్టీకి సవాల్గా మారింది.
ఎంపీ అభ్యర్థి క్యామ మల్లేశ్జిల్లాకు సంబంధించిన వ్యక్తి కాకపోవడంతో పార్టీ కేడర్ మరింత అయోమయంలో పడింది. ఇప్పటికిప్పుడు పార్టీని చక్కపెట్టే పరిస్థితులు కూడా లేకపోవడం, మాజీ ఎమ్మెల్యేలు నియోజకవర్గాలకు రాకుండా పోవడంతో అర్బన్ కేడర్ డైలమాలో పడింది. చేజారిపోతున్న మున్సిపాలిటీలను కనీసం కాపాడుకునే ప్రయత్నాలు కూడా చేయలేదు. దీంతో ఆ ప్రభావం ఎంపీ ఎన్నికలపై తీవ్రంగా పడనుంది.
రూరల్ ఓటర్ల పైనే ఆశలు..
పట్టణ ఓటర్ల మీద బీఆర్ఎస్ ఆశలు కోల్పోయింది. దీంతో కనీసం రూరల్ఓటర్లను తమవైపు తిప్పుకోవాలనే ప్రయత్నం చేస్తోంది. ఇందులో భాగంగానే ఎండిపో యిన పంటలు, ఆసరా పింఛన్లు, రైతుబంధు వంటి పథకాలతో ప్రజల వద్దకు వెళ్లాలనే ఆలోచనకు వచ్చింది. వానల్లేక కరువుతో ఎండిపోయిన పంటలనే ఎ న్నికల్లో ప్రధాన అస్త్రాలుగా వాడుకోవాలని బీఆర్ఎస్ చూస్తోంది. కాంగ్రెస్ అధికారంలోకి వచ్చి వంద రోజులు అవుతున్నా నాలుగు వేల పింఛన్గురించి మాట్లాడటం లేదని, అందరికీ రైతుబంధు అందలేదనే విషయాలను ప్రజలకు వివరించాలని చూస్తోంది.
కానీ, అసెంబ్లీ ఎన్నికల్లో బీఆర్ఎస్కు రూరల్లోనే ఎక్కువ డ్యామేజ్ అయ్యింది. ప్రస్తుతం సర్పంచులు కూడా పవర్లో లేరు. ఇక ఎంపీపీలు, జడ్పీటీసీలు, మండల, గ్రామ శాఖల పరిస్థితి అగమ్యగోచరంగా మారింది. పార్లమెం ట్అయ్యాక జరిగే స్థానిక ఎన్నికలపైనే స్థానిక నేతల దృష్టి నెలకొంది. ఈ గండం నుంచి గట్టెక్కేందుకే త్వరలో మాజీ సీఎం కేసీఆర్ను నల్గొండ, యాదాద్రి జిల్లాలకు రప్పించాలని ప్లాన్ చేస్తున్నారు. నల్గొండ నియోజకవర్గంలోని ముషంపల్లి గ్రామాన్ని కేసీఆర్ స్వయంగా విజిట్చేస్తారని ఆ పార్టీ నాయకులు చెబుతున్నారు. అదేవిధంగా మూసీ కింద ఎండిపోయిన పంటలను పరిశీలించేందుకు కేసీఆర్యాదాద్రి జిల్లాలో కూడా పర్యటించవచ్చని తెలిసింది.
పార్టీ తరఫున ప్రచారం ఎట్లా..?
ఎమ్మెల్యేలు ఓడిపోవడం ఒక ఎత్తైతే.. కింది స్థాయిలో కేడర్ను నడిపించే స్థానిక ప్రజాప్రతినిధులు సైతం పార్టీని వీడిపోవడం మరింత కలవరపాటుకు గురిచేస్తోంది. నల్గొండ ఎంపీ సెగ్మెంట్పరిధిలో నల్గొండ, దేవరకొండ, నేరేడుచర్ల, హుజూర్నగర్, కోదాడ మున్సిపాలిటీలు కాంగ్రెస్ ఖాతాలో చేరాయి. దీంతో ఇప్పుడు ఇక్కడ పార్టీ తరఫున ప్రచారం చేయడానికి కేడర్ కరువైంది. ఎంపీ అభ్యర్థిని ప్రకటించాక కూడా పార్టీలో జోష్ కనిపించడం లేదు. వార్డు ల్లో ఇంటింటికీ తిరిగి ప్రచారం చేయడంలో కౌన్సిలర్లు, మున్సిపల్చైర్మన్పాత్ర కీలకం.
కానీ, ప్రస్తుతం నల్గొండ లాంటి పెద్ద మున్సిపాలిటీలోనే బీఆర్ఎస్తరఫున ప్రచారం చేయడానికి ఒక్కరు కూడా ఆసక్తి చూపడం లేదు. ఇటీవల నందికొండ, హాలియా మున్సిపాలిటీలు సైతం కాంగ్రెస్ ఖాతాలో చేరడంతో ఆ ఎఫె క్ట్ రూరల్ఓటర్ల పై పడనుంది. దేవరకొండలో పాలకవర్గం అసెంబ్లీ ఎన్నికలకు ఏడాది ముందు నుంచే మాజీ ఎమ్మెల్యేపై దూకుడు ప్రదర్శించింది. అసెంబ్లీ ఎన్నికలయ్యాక పార్టీ కేడర్మొత్తం చెల్లాచెదురైంది. ఇక ఇప్పుడు కవిత అరెస్ట్ కావడంతో పార్టీని మరింత కలిచివేసింది. పైగా ఇద్దరు ఎంపీ అభ్యర్థులు కొత్తవారు కావడం కూడా పెద్ద సమస్యగా మారింది.
