హైదరాబాద్ సిటీ, వెలుగు: హైదరాబాద్ కలెక్టరేట్ లో సోమవారం ఎస్సెస్సీ పరీక్షల నిర్వహణ, ఏర్పాట్లపై విద్యాశాఖ ఆధ్వర్యంలో సమావేశం ఏర్పాటు చేశారు. ఇందులో పాల్గొన్న కలెక్టర్ హరి చందన మాట్లాడుతూ.. మార్చి 14 నుంచి ఏప్రిల్16 వరకు జరగనున్న ఎస్సెస్సీ పరీక్షల కోసం 362 పరీక్షా కేంద్రాలు కేటాయించామని, 78,465 మంది విద్యార్థులు హాజరుకానున్నారని తెలిపారు. ఈ సందర్భంగా ఏర్పాట్ల గురించి డీఈఓ రోహిణి కలెక్టర్ కు వివరించారు . సమావేశంలో డీఆర్ వో ఈ వెంకటాచారి, ఏసీపీలు కిషన్ రావు, లక్ష్మణ్ పాల్గొన్నారు.
