న్యూఢిల్లీ, వెలుగు: ఢిల్లీ లిక్కర్ స్కాం కేసులో హైదరాబాద్ కు చెందిన వ్యాపారవేత్త అరుణ్ రామచంద్ర పిళ్లైకు రౌస్ ఎవెన్యూ కోర్టు రెండు వారాల బెయిలు మంజూరు చేసింది. భార్య అనారోగ్యం దృష్ట్యా 8 వారాలు బెయిల్ మంజూరు చేయాలని పిళ్లై దాఖలు చేసిన పిటిషన్ ను సోమవారం సీబీఐ స్పెషల్ కోర్టు జడ్జి జస్టిస్ ఎంకే నాగ్పాల్ విచారణ జరిపారు. పిళ్లై తరఫున న్యాయవాది నితీష్ రాణా వాదనలు వినిపించారు. పిటిషనర్ భార్యకు శస్త్రచికిత్స కొనసాగుతోందని, హాస్పిటల్ లో ఆమెను చూసుకోవడానికి ఎవరూ లేరని వాదించారు. దీంతో హైకోర్టు.. పిళ్లైకు రెండు వారాల మధ్యంతర బెయిల్ మంజూరు చేసింది.
