బషీర్బాగ్, వెలుగు: స్టాక్మార్కెట్లో ఇన్వెస్ట్చేస్తే అధిక ప్రాఫిట్స్ వస్తాయంటూ సిటీకి చెందిన వ్యక్తిని చీట్చేసిన ఇద్దరు సైబర్ నేరగాళ్లను హైదరాబాద్ సైబర్ క్రైమ్ పోలీసులు అరెస్ట్ చేశారు.సిటీకి చెందిన 40 ఏండ్ల వ్యక్తికి కొన్నాళ్ల కింద ఫేస్ బుక్ మెసెంజర్లో ఇద్దరు పరిచయమయ్యారు. కీర్తి రఘురాం పేరిట ఉన్న అకౌంట్నుంచి మెసేజ్లు చేశారు. సాఫ్ట్ వేర్ డెవలపర్, దుబాయ్ లో ఇన్వెస్టర్పేరుతో ఫ్రెండ్షిప్చేశారు. స్టాక్స్ లో పెట్టుబడి పెడితే 70 శాతం వరకు లాభాలు వస్తాయని నమ్మించారు.
ఓ వైబ్లింక్పంపించి Innobyt IT Solutions పేరుతో ఇన్వెస్ట్చేయించారు. తర్వాత లాభాలు వచ్చినట్లు చూపించారు. అలా మొత్తం రూ.17,39,000 ఇన్వెస్ట్చేయించారు. చివరికి అదంతా ఫ్రాడ్అని తెలుసుకున్న బాధితుడు సైబర్ క్రైమ్ పోలీసులకు ఫిర్యాదు చేశాడు. సైబర్ క్రైమ్ ఇన్స్పెక్టర్ పి.ప్రమోద్ కుమార్, ఎసై షైక్ అజీజ్ టీమ్ దర్యాప్తు చేపట్టి మహారాష్ట్రకు చెందిన ఐటీ ఉద్యోగి రేయనోల్డ్ వింసెంట్(26), ఫ్రీలాన్సర్మనీశ్దినేశ్సొనవనే(27)ను అదుపులోకి తీసుకున్నారు. వీరిపై దేశవ్యాప్తంగా 27 కేసులతోపాటు తెలంగాణరాష్ట్రంలో ఒక కేసు నమోదు అయినట్లు గుర్తించారు. రెండు సెల్ఫోన్లు, మూడు సిమ్ కార్డులను సీజ్ చేసి రిమాండుకు తరలించారు.
డెలివరీ అడ్రెస్ మారుస్తాంటూ వృద్ధుడిని..
కొరియర్ డెలివరీ అడ్రస్ మారుస్తామంటూ సైబర్నేరగాళ్లు ఓ వృద్ధుడిని బురిడీ కొట్టించారు. రూ.1.18లక్షలు కొట్టేశారు. సిటీకి చెందిన రిటైర్డ్ ఉద్యోగి(70) ఇటీవల ఆన్లైన్లో ఓ ప్రొడక్ట్బుక్చేశాడు. అడ్రస్తప్పుగా పెట్టడంతో బ్లూడార్ట్ కొరియర్ కస్టమర్కేర్నంబర్కోసం గూగుల్లో సర్చ్చేశాడు. స్కామర్లు పెట్టిన నంబర్ నిజమైన నంబర్ అనుకుని కాల్ చేశాడు. కొద్దిసేపటి తర్వాత బ్లూ డార్ట్ కొరియర్ సర్వీస్ ప్రతినిధిని అంటూ స్కామర్ కాల్ చేశాడు. తన డెలివరీ అడ్రెస్ మార్చాలని వృద్ధుడు కోరగా, ప్రాసెస్ చేయడానికి ఆన్లైన్లో రూ.1 చెల్లించాలని స్కామర్ తెలిపాడు.
వృద్ధుడు తనకు ఆన్లైన్పేమెంట్ ఆప్షన్ లేదని చెప్పడంతో.. స్కామర్ వృద్ధుడి వాట్సాప్ కు support.co..apk అనే లింక్ పంపించాడు. దాన్ని ఓపెన్చేసిన వృద్ధుడు తర్వాత ఆధార్ కార్డు వివరాలను పంపించాడు. తర్వాత వృద్ధుడి ఫోన్ రెండుసార్లు ఆటోమేటిక్ గా స్విచ్ఆఫ్ అయింది. కొద్దిసేపటి తర్వాత వృద్ధుడి బ్యాంక్అకౌంట్ లో రూ.507.60లు ఉన్నట్లు మెసేజ్ రావడంతో షాక్ అయ్యాడు. వెంటనే బ్యాంక్ కు వెళ్లగా, రెండు దఫాలుగా రూ.1,18,999 డెబిట్అయినట్లు తెలుసుకున్నాడు. సైబర్ క్రైమ్ పోలీసులకు ఫిర్యాదు చేశాడు.
