హనోయి(వియత్నాం ): అమెరికా ప్రెసిడెంట్ డొనాల్డ్ ట్రంప్, నార్త్కొరియా అధ్యక్షుడు కిమ్ జోంగ్ ఉన్ బుధవారం మరోసారి భేటీ కానున్నారు. వియత్నాంలోని హనోయిలో భేటీ కోసం మంగళవారం సాయంత్రమే ఇరు దేశాధినేతలు ఇక్కడికి చేరుకున్నారు. చుట్టుముట్టిన మీడియాతో మాట్లాడేందుకు ఇరువురూ నిరాకరించారు. అయితే, అంతకుముందు కిమ్తో భేటీపై ట్రంప్ ట్విట్టర్ లో స్పందించారు. అణ్వాయుధాలను పూర్తిగా వదిలేస్తే ఉత్తర కొరియా అభివృద్ధిలో దూసుకుపోతుందన్నారు. న్యూక్లి యర్వెపన్లను విడిచిపెడితే అభివృద్ధి ఆటోమేటిక్గా వస్తుందన్నారు. కిమ్ తెలివైన నిర్ణయం తీసుకుంటారని ఆశిస్తున్నట్లు ట్వీట్ చేశారు.
Just arrived in Vietnam. Thank you to all of the people for the great reception in Hanoi. Tremendous crowds, and so much love!
— Donald J. Trump (@realDonaldTrump) February 26, 2019
