హిందు సంప్రదాయం ప్రకారం ఏకాదశిఅనేది విష్ణుదేవుడికి ఎంతో ఇష్టమైన తిథిగా చెబుతుంటారు. దీనిలో ముఖ్యంగా వరుథిని అనేది అత్యంత పవిత్రమైన రోజని పండితులు చెబుతుంటారు. ఈరోజున ( మే 4) ఏ చిన్న పనిచేసిన అది మనకు గొప్ప ఫలితాలు కలిగేలా చేస్తుందని జ్యోతిష్యులు చెబుతున్నారు. . వరుథిని ఏకాదశి రోజున దానం చేయడం గొప్ప విశిష్ట ఫలితాలను ఇస్తుంది చెబుతారు. అటువంటి పరిస్థితిలో వరుథిని ఏకాదశి రోజున ఏయే వస్తువులను దానం చేయాలో తెలుసుకుందాం..
ఏకాదశిని తిథిని చాలా మంది ఎంతో పండుగలా భావిస్తారు. వరూథిని ఏకాదశి ( మే 4) న ఏ పనులుచేసిన కూడా అది గొప్ప ఫలితాలను ఇస్తుందని చెబుతుంటారు.. ప్రపంచాన్ని పోషించే శ్రీ మహా విష్ణువు అవతారమైన వామన అవతారాన్ని పూజించే సంప్రదాయం ఉంది. ఈ రోజున ఆచారాల ప్రకారం శ్రీమహావిష్ణువు ఐదవ అవతారమైన వామనుని పూజించిన వారికి భయం నుండి విముక్తి లభిస్తుందని నమ్ముతారు. ముఖ్యంగా ఆర్ధిక ఇబ్బందుల్లో బాధపడేవారు కొన్ని వస్తువులను బ్రాహ్మణులకు దానం చేసి దక్షిణ తాంబూలాలు ఇవ్వాలని పండితులు సూచిస్తున్నారు.
వరుథిని ఏకాదశి రోజున చేయాల్సిన దానాలు ఏమిటంటే..
అన్న వితరణ: వరుథిని ఏకాదశి నాడు అన్నదానం చేయడం వల్ల మానవులు, దేవతలు, పూర్వీకులు మొదలైన వారంతా సంతృప్తి చెందుతారు. వరుథిని ఏకాదశి రోజున అన్నదానం చేయడం వల్ల చాలా ఫలం లభిస్తుంది. అన్నపూర్ణ దేవి ఈ రోజున అన్నదానం చేయడం ద్వారా సంతోషిస్తుంది.దీని వల్ల మీ ఇంట్లో సిరి సంపదలకు నెలవుగా ఉంటుంది. అలాగే, మీ ఇంట్లో సుఖ శాంతులు ఉంటాయి.
దాహార్తిని తీర్చడం: వరుథిని ఏకాదశి నాడు నీటితో నింపిన మట్టి కుండను దానం చేయడం ఉత్తమమైనదిగా భావిస్తారు. ఈ రోజున బాటసారులకు నీరు ఇచ్చినా శుభఫలితాలు లభిస్తాయి. పిల్లలు దీర్ఘాయుష్షు పొందుతారని, వారికి ఎలాంటి సమస్యలు ఉండవని నమ్మకం.
నువ్వుల దానం: హిందూ మత విశ్వాసం ప్రకారం నువ్వులు శ్రీ హరి నుండి ఉద్భవించాయి. ఏకాదశి రోజున నల్ల నువ్వులను నీటిలో వదలడం వల్ల శ్రీ హరి, శనిస్వరుడు ఎంతో సంతోషిస్తారని చెబుతారు. అదే సమయంలో ఈ రోజున నువ్వులతో చేసిన స్వీట్లను దానం చేయడం వల్ల పూర్వీకుల అనుగ్రహం లభిస్తుంది.
సత్తు పిండి దానం: సత్తు అంటే వేయించిన శనగల పొడ.. చైత్ర, వైశాఖ మాసంలో వేసవికాలం ఉచ్ఛస్థితిలో ఉంటుంది. అటువంటి పరిస్థితిలో వరుథిని ఏకాదశి నాడు సత్తు దానం చేయడం చాలా పవిత్రమైనదిగా పరిగణించబడుతుంది. దీనివల్ల ధనలాభం చేకూరుతుందని, అదృష్టం పెరుగుతుందని నమ్ముతారు.
పండ్ల దానం: ఏకాదశి తిథి విష్ణువుకు అంకితం చేయబడింది. అటువంటి పరిస్థితిలో ఈ రోజున ఆకలి అన్నవారికి అరటి, మామిడి పండ్లను లేదా ఇతర పండ్లను దానం చేయవచ్చు. ఇది పితృ దోషం నుండి బయటపడటానికి సహాయపడుతుందని నమ్ముతారు. శని దోష నివారణ జరుగుతుందని విశ్వాసం.
పాదరక్షలు, చెప్పుల దానం: మీరు ఏకాదశి రోజున బూట్లు, చెప్పులు లేదా గొడుగును కూడా దానం చేయవచ్చు. ఈ రోజున ఎవరైనా ఆపదలో ఉంటే వారికి సహాయం చేస్తారో.. వారిపై శ్రీ మహా విష్ణువు, లక్ష్మీదేవి అనుగ్రహం కలుగుతుంది. ప్రతి కష్టం నుంచి విముక్తి లభిస్తుందని నమ్మకం.
ధనాన్ని దానం చేయడం: వరుథిని ఏకాదశి రోజున దానం చేయడం కూడా శుభప్రదంగా పరిగణించబడుతుంది. వరుథిని ఏకాదశి రోజున ఎవరైనా దేవాలయంలో గాని, ఏదైనా ధర్మకార్యానికి గాని తమ శక్తి మేరకు ధనాన్ని విరాళంగా ఇవ్వాలని చెబుతారు.
వస్త్రదానం: వరుథిని ఏకాదశి రోజున వస్త్రదానం చేయడం కూడా మంచిదని భావిస్తారు. ఈ రోజున ఆలయంలో దేవుని పాదాల వద్ద వస్త్రాలు సమర్పించి, ఆ వస్త్రాలను అవసరమైన వారికి దానం చేయాలి. ఇలా చేయడం వల్ల ఇంట్లో ఐశ్వర్యం వస్తుంది.
పూలను దానం చేయడం: పసుపు పువ్వులు విష్ణువుకు ఇష్టమైనవి. అటువంటి పరిస్థితిలో వరుథిని ఏకాదశి రోజున మహావిష్ణువుకు బంతి పువ్వులను సమర్పించి, ఆ తర్వాత కొన్ని పుష్పాలను కూడా దానం చేయండి. ఇక్కడ పుష్పాలను దానం చేయడం అంటే దేవాలయంలో దేవుడి సేవలో పూలను ఉంచడం. ఇలా చేయడం వల్ల దాంపత్య జీవితంలో మధురానుభూతి మిగులుతుంది.
చైత్ర మాసంలోని కృష్ణ పక్ష ఏకాదశి తేదీని వరుథిని ఏకాదశి లేదా బరుతని ఏకాదశి అని కూడా పిలుస్తారు. ఈ రోజు హిందువులకు అత్యంత పవిత్ర పర్వదినం. ఈ రోజున ప్రపంచాన్ని పోషించే శ్రీ మహా విష్ణువు అవతారమైన వామన అవతారాన్ని పూజించే సంప్రదాయం ఉంది. ఈ రోజున ఆచారాల ప్రకారం శ్రీమహావిష్ణువు ఐదవ అవతారమైన వామనుని పూజించిన వారికి భయం నుండి విముక్తి లభిస్తుందని నమ్ముతారు.
వరుథిని ఏకాదశి రోజున ఉదయం నిద్రలేచి స్నానాదులు ముగించుకోని,దేవుడికి ప్రత్యేకంగాపూజలు చేయాలి, విష్ణుదేవుడికి ప్రత్యేకంగా ఈరోజు ఎర్రటి పూలు సమర్పించాలి. ఆయన అలంకార ప్రియుడు కాబట్టి ఆయనకు భక్తితో అనేక రకాల పూలను పూజలలో ఉపయోగించాలి. ఏకాదశి రోజున అందుబాటులో ఉన్న ఫలాలను నైవేద్యంగా సమర్పించాలి. ఈరోజున ( మే 4) ముఖ్యంగా పెళ్లి కానీ వారు, ఆర్థికసమస్యలతో సతతతమయ్యేవారు కొన్ని పరిహారాలు పాటించాలంటూ కూడా పండితులు చెబుతున్నారు. అందుకు ఎన్ని సంబంధాలుచూసిన పెళ్లి కుదరని వారు ఈరోజు రుక్మిణి, క్రిష్ణుడి వివాహావిధానం చదవాలి. అంతేకాకుండా సత్యనారాయణ పూజ వ్రతకథ చదివిన కూడా మంచి ఫలితం కల్గుతుంది.
పేదలకు అన్నదానం చేయాలి, రావిచెట్టు అడుగుభాగంలో దీపంపెట్టాలి. నల్ల చీమలకు చక్కెరను పెట్టాలి. ఎండకాలం నడుస్తోంది. కాబట్టి రోడ్డుపక్కల చల్లని నీళ్లను అందుబాటులో ఉంచేలా చేయాలి. రోడ్డుపైన అన్నార్థులకు అన్నదానం చేయాలి. అనాథశ్రమంలో అన్నదానం చేయాలి. ఏకాదశి రోజున విష్ణు ఆలయాలను అందంగా పూలతో అలంకరించాలి. అంతేకాకుండా.. ఈ రోజున సత్యనారాయణ వ్రతాలతో పాటు,రాత్రికి ఆలయంలో విష్ణుకు సంబంధించిన గీతాలపన చేస్తే జీవితంలో ఊహించిని అద్బుతాలు సంభవిస్తాయని చెబుతుంటారు.వరుథిని ఏకాదశి రోజున ఎవరైతే, కాలసర్పదోషాలు, పితృదేవతలకు సంబంధించిన దోషాలున్న వారు ప్రత్యేకంగా పూజలు చేస్తే ఆయన అనుగ్రహాం వల్ల దోషా పరిహారం అవుతుంది. అంతేకాకుండా.. వరుథిని ఏకాదశి వ్రతం కూడా చేస్తే, అతి తక్కువ కాలంలోనే అలాంటి వారి జీవితంలో మంచి అద్భుతాలు సంభవిస్తాయని పండితులు చెబుతుంటారు.
