కరివేపాకు కూరలో కనిపిస్తే చాలామంది ఏరి పారేస్తుంటారు. అయితే ఈ ఆకుల వల్ల వచ్చే లాభాలు తెలిస్తే మాత్రం పచ్చి ఆకులే నమిలేస్తారు. దీనిలో శరీరానికి కావాల్సిన క్యాల్షియం, పాస్ఫరస్, ఐరన్, యాంటీ ఆక్సిడెంట్స్ , విటమిన్–బి, కెరోటీన్ పుష్కలంగా ఉంటాయి.. అంతే కాకుండా కంటి చూపును మెరుగుపరుస్తాయి ఈ ఆకులు.
ఇవే కాదు ఇంకా చాలా లాభాలున్నాయి వీటితో.. కరివేపాకును ఖాళీ కడుపుతో నమిలితే ఒబెసిటీ నుంచి బయటపడొచ్చు. హెయిర్ ఫాల్ సమస్య తగ్గడంతో పాటు జుట్టు వేగంగా పెరుగుతుంది. ఉదయం పూట లేవగానే కొన్ని కరివేపాకు ఆకులు నమలడం వల్ల జీర్ణక్రియ కూడా బాగుంటుంది. మలబద్ధకం నుంచి ఉపశమనం పొందొచ్చు.