కామారెడ్డి టౌ న్, వెలుగు: జిల్లాలో వడ్ల కొనుగోళ్లు ఈ నెల 24వ తేదీలోగా కంప్లీట్ చేయాలని ఉమ్మడి జిల్లా ప్రత్యేక అధికారి డాక్టర్ శరత్, కామారెడ్డి జిల్లా ఆఫీసర్లకు సూచించారు. సోమవారం ఆయన జిల్లా కలెక్టర్ జితేశ్ వి. పాటిల్, అడిషనల్ కలెక్టర్ చంద్ర మోహన్ ఇతర అధికారులతో టెలి కాన్ఫరెన్స్ నిర్వహించారు. ప్రత్యేక అధికారి మాట్లాడుతూ.. కొనుగోళ్ల ప్రక్రియను మరింత స్పీడప్ చేయాలని సూచించారు.
ఇప్పటికే కొనుగోళ్లు కంప్లీట్అయిన సెంటర్లలో ఉన్న సిబ్బందిని, హమాలీలను , కాంటాలను, కంప్లీట్ కాని సెంటర్లకు తరలించాలన్నారు. రోజుకు పది వేల మెట్రిక్ టన్నుల వడ్లు తరలించేలా ఏర్పాటు చేసుకోవాలని సూచించారు. మండల స్థాయి అధికారులు బాధ్యత తీసుకోవాలన్నారు. సరిపడా లారీలను సమకూర్చుకోవాలని సూచించారు. కలెక్టర్ జితేష్ వి. పాటిల్ మాట్లాడుతూ.. జిల్లాలో ఇప్పటికే రెండు లక్షల 64వేల మెట్రిక్ టన్నుల వడ్లను కొనుగోలు చేశామన్నారు. ఇంకా 120సెంటర్లలో కొనుగోళ్లను శుక్రవారం నాటికి పూర్తి చేస్తామన్నారు.
మాస్ కాఫీయింగ్కు అనుమతించవద్దు
ఇంటర్మీడియట్ సప్లమెంటరీ పరీక్షల్లో ఎలాంటి కాఫీయింగ్కు , మాల్ ప్రాక్టీస్అనుమతించొద్దని కలెక్టర్ జితేశ్ వి. పాటిల్ ఆఫీసర్లకు సూచించారు. సోమవారం కలెక్టరేట్లో సూపరింటెండెంట్లు, డిపార్ట్మెంట్ ఆఫీసర్లతో మీటింగ్ నిర్వహించారు. ఆయన మాట్లాడుతూ.. ఎగ్జామ్స్ నిర్వహణకు పకడ్బందీ ఏర్పాట్లు చేయాలన్నారు. పరీక్షలు సాఫీగా, పారదర్శకంగా జరిగేలా చూడాలన్నారు. విధుల్లో నిర్లక్ష్యం వహిస్తే కఠిన చర్యలు తీసుకుంటామని హెచ్చరించారు. నోడల్ అధికారి షేక్ సలాం, ఆఫీసర్లు శ్రీనాథ్, నాగేశ్వరయ్య పాల్గొన్నారు.
