మక్తల్, వెలుగు : బీజేపీ రాష్ట్రంలో అధికారంలోకి వచ్చిన వెంటనే మక్తల్ నియోజవర్గ ప్రజలు దశాబ్దాలుగా ఎదురు చూస్తున్న జీవో 69ని అమలు చేస్తామని ఆ పార్టీ ప్రచార కమిటీ చైర్మన్ ఈటల రాజేందర్ హామీ ఇచ్చారు. ఎన్నికల ప్రచారంలో భాగంగా బుధవారం మక్తల్లో బీజేపీ అభ్యర్థి మాదిరెడ్డి జలంధర్ రెడ్డికి మద్దతుగా ప్రచారం నిర్వహించారు. ఈ సందర్భంగా ఏర్పాటు చేసిన కార్నర్ మీటింగులో ఈటల మాట్లాడారు. బీజేపీ నుంచి ఎంపీపీలు, జడ్పీటీసీలు, మున్సిపల్ చైర్పర్సన్ను గెలిపించుకున్న గడ్డ ఈ మక్తల్ అడ్డా అని పేర్కొన్నారు.
ఈ ఎన్నికల్లో మక్తల్ గడ్డపై కాషాయ జెండా ఎగరడం ఖాయమన్నారు. రాష్ట్రంలో కేసీఆర్తో పాటు మంత్రులు, ఎమ్మెల్యేలకు అహంకారం ఎక్కువైందన్నారు. అవినీతి సీఎంను గద్దె దింపాలని.. ఉద్యమ సమయంలో ఉపాసమున్న వ్యక్తి, పదేండ్లు సీఎంగా అధికారంలో ఉండి వేల కోట్ల ప్రజాధనాన్ని దోచుకున్నాడని విమర్శించారు.
మక్తల్లో అవినీతి పాలన పోవాలంటే ప్రతి ఒక్కరూ కమలం పువ్వు గుర్తుకు ఓటు వేసి జలంధర్ రెడ్డిని భారీ మెజార్టీతో గెలిపించాలని కోరారు. కోలార్ ఎంపీ మునిస్వామి, నాగురావు నామాజీ, కొండయ్య, పార్టీ జిల్లా అధ్యక్షుడు శ్రీనివాసులు, బలరాం రెడ్డి. మున్సిపల్ చైర్పర్సన్పావని, వైస్ చైర్పర్సన్ అఖిల పాల్గొన్నారు.
