- మదన్ రెడ్డికే టికెట్ ఇవ్వాలని మంత్రి ఇంటివద్ద అనుచరుల ఆందోళన
హైదరాబాద్/నర్సాపూర్/శివ్వంపేట, వెలుగు : నర్సాపూర్ టికెట్ సిట్టింగ్ ఎమ్మెల్యే మదన్ రెడ్డికే ఇవ్వాలని ఆయన అనుచరులు డిమాండ్ చేశారు. ఈ మేరకు గురువారం హైదరాబాద్ కోకాపేటలోని మంత్రి హరీశ్ రావు ఇంటి వద్ద ఆందోళన చేపట్టారు. మెదక్జిల్లాలో రెండు అసెంబ్లీ స్థానాలు ఉండగా.. మెదక్ టికెట్ సిట్టింగ్ ఎమ్మెల్యే పద్మా దేవేందర్ రెడ్డికి కేటాయించిన పార్టీ హైకమాండ్, నర్సాపూర్ టికెట్ను పెండింగ్లో పెట్టింది.
ఈ నేపథ్యంలో రాష్ట్ర లేబర్ వెల్ఫేర్ బోర్డ్ చైర్మన్ దేవేందర్ రెడ్డి, జిల్లా గ్రంథాలయ సంస్థ చైర్మన్ చంద్ర గౌడ్, జెడ్పీ కో ఆప్షన్ మెంబర్ మన్సూర్, నరాపూర్ టౌన్, రూరల్, శివ్వంపేట, హత్నూర, కౌడిపల్లి, చిలప్చెడ్, కొల్చారం, వెల్దుర్తి మండలాల ఎంపీపీలు, జెడ్పీటీసీలు, ఎంపీటీసీలు, సర్పంచ్లు, బీఆర్ఎస్ మండల అధ్యక్షులు, నాయకులు మంత్రి ఇంటికి వెళ్లారు. ఆయనకు టికెట్ఇవ్వకుంటే పార్టీ ఓడిపోతుందని, వేరే పార్టీ నుంచి వచ్చిన వారికి టికెట్ఇవ్వొద్దని డిమాండ్ చేశారు. కాగా, విషయాన్ని కేసీఆర్ దృష్టికి తీసుకెళ్లి న్యాయం జరిగేలా చూస్తామని మంత్రి హామీ ఇచ్చారు.
