కామారెడ్డి, వెలుగు: అటవీ శాఖ భూములను ఆక్రమిస్తూ ఆఫీసర్లపై దాడులకు పాల్పడితే పీడీ యాక్ట్ ప్రయోగిస్తామని కామారెడ్డి జిల్లా కలెక్టర్ జితేశ్ పాటిల్చెప్పారు. గురువారం కలెక్టరేట్లో ఎస్పీ శ్వేత, డీఎఫ్ఓ నిఖితతో కలిసి ఆయన మీడియాతో మాట్లాడారు. 2005 డిసెంబర్13కు ముందు వరకు సాగు చేసుకున్న ఫారెస్ట్భూములకు మాత్రమే పట్టాలు ఇస్తామని చెప్పారు. ఇప్పటికే గ్రామాల వారీగా కమిటీలు వేసి అప్లికేషన్లు తీసుకున్నట్లు తెలిపారు. జిల్లా వ్యాప్తంగా 20 వేల అప్లికేషన్లు వచ్చాయని వెల్లడించారు. కానీ కొందరు ప్రస్తుతం ఫారెస్టు ల్యాండ్ను ఆక్రమించి సాగు చేస్తే పట్టాలొస్తాయని భావిస్తున్నారని, అలా చేయడం కరెక్ట్ కాదన్నారు.
అటవీ భూములను ఆక్రమించే ప్రయత్నం చేసినా, చెట్లు నరికినట్లు గుర్తించినా కేసులు నమోదు చేస్తామని హెచ్చరించారు. అనంతరం ఎస్పీ శ్వేత మాట్లాడుతూ.. లింగంపేట మండలం కొండాపూర్శివారులో ఇటీవల ఫారెస్ట్ ఆఫీసర్లపై దాడికి పాల్పడిన దండు హన్మంతు, గుర్రపు చిన్నసాయిలు, గణేశ్, లక్ష్మణ్, లవన్కుమార్ గురువారం అరెస్టు చేసినట్లు తెలిపారు. 4 ట్రాక్టర్లు సీజ్చేయడంతోపాటు నిందితులపై నాన్బెయిలబుల్కేసులు ఫైల్ చేసినట్లు వెల్లడించారు. పోశయ్య అనే వ్యక్తి పరారీలో ఉన్నట్లు చెప్పారు. డీఎఫ్ఓ నిఖిత మాట్లాడుతూ.. చెట్లు నరకొద్దని ఎంత ప్రచారం చేసినా జిల్లాలో ఆక్రమణలు జరుగుతుండడం దురదృష్టకరం అన్నారు. ఈ మధ్యనే బాన్స్వాడ, నస్రుల్లాబాద్, గాంధారి, లింగంపేట, పిట్లం మండలాల్లో స్థానికులు ఆక్రమణలు చేయడంతోపాటు, సిబ్బందిపై దాడి చేశారన్నారు. సమావేశంలో అడిషనల్ కలెక్టర్వెంకటేశ్ దొత్రే పాల్గొన్నారు.
