ఐపీఎల్ 2024లో నేడు మరో ఆసక్తికర పోరు జరగనుంది. అగ్రపీఠం కోసం చూసేది ఒకరైతే.. పరువు కోసం చూస్తున్నవారు మరొకరు. రెండో స్థానంలో ఉన్న రాజస్థాన్.. అట్టడుగు స్థానంలో ఉన్న పంజాబ్ కింగ్స్‌తో తలపడుతోంది. ఈ మ్యాచ్‌లో టాస్ గెలిచిన రాయల్స్ కెప్టెన్ సంజూ శాంసన్ మొదట బ్యాటింగ్ ఎంచుకున్నాడు.
రాజస్థాన్ రాయల్స్ ఇప్పటికే ప్లే ఆఫ్ బెర్త్ ఖరారు చేసుకోగా.. పంజాబ్ కింగ్స్ టోర్నీ నుంచి నిష్క్రమించింది. ఈ సీజన్ లో ఇప్పటివరకూ 11 మ్యాచ్‌లు పంజాబ్.. కేవలం నాలుగింట మాత్రమే విజయం సాధించింది. లీగ్ దశలో వీరికి ఇంకా రెండు మ్యాచ్‌లు ఆడాల్సివుండగా.. రెండింట విజయం సాధించి పరువు నిలుపుకోవాలని చూస్తున్నారు.
తుది జట్లు
పంజాబ్: ప్రభ్‌సిమ్రాన్ సింగ్, జానీ బెయిర్‌స్టో, రిలీ రోసౌ, శశాంక్ సింగ్, జితేష్ శర్మ(వికెట్ కీపర్), సామ్ కర్రాన్(కెప్టెన్), హర్‌ప్రీత్ బ్రార్, హర్షల్ పటేల్, నాథన్ ఎల్లిస్, రాహుల్ చాహర్, అర్ష్‌దీప్ సింగ్.
రాజస్థాన్: యశస్వి జైస్వాల్, టామ్ కోహ్లర్-కాడ్మోర్, సంజు శాంసన్ (కెప్టెన్/ వికెట్ కీపర్), రియాన్ పరాగ్, ధ్రువ్ జురెల్, రోవ్‌మన్ పావెల్, రవిచంద్రన్ అశ్విన్, ట్రెంట్ బౌల్ట్, సందీప్ శర్మ, అవేష్ ఖాన్, యుజ్వేంద్ర చాహల్.
