జహీరాబాద్, వెలుగు: కాంగ్రెస్ పార్టీ సీనియర్ నేత, మాజీ డిప్యూటీ సీఎం దామోదర రాజ నర్సింహ సోదరుడు రాంచందర్ బీజేపీలో చేరారు. కేంద్ర పశు సంవర్ధక, మత్స్య శాఖ మంత్రి పురుషోత్తం రూపాల ఆధ్వర్యంలో ఆయన బీజేపీ కండువా కప్పుకొన్నారు. సంగారెడ్డి జిల్లా జహీరాబాద్ పట్టణంలో బుధవారం పలువురు బీజేపీలో చేరారు. ఈ సందర్భంగా ఏర్పాటు చేసిన కార్యక్రమంలో కేంద్ర మంత్రి రూపాలా మాట్లాడుతూ.. దేశ ప్రతిష్టను ప్రధాని నరేంద్ర మోడీ మరింత పెంచుతున్నారని కొనియాడారు. ప్రపంచ దేశాలు మొత్తం ప్రస్తుతం భారత్ వైపు చూస్తున్నాయన్నారు. బీజేపీలో చేరిన వారికి కండువా కప్పి ఆహ్వానించిన ఆయన పార్టీని మరింత బలోపేతం చేయాలని కోరారు.
