- బ్రెయిన్ స్ట్రోక్ తో చికిత్స పొందుతూ తుదిశ్వాస
హైదరాబాద్, వెలుగు: కేంద్ర మాజీ మంత్రి కావూరి సాంబశివరావు(82) మృతి చెందారు. ఈ నెల 7న బ్రెయిన్ స్ట్రోక్ రావడంతో ఆయనను కుటుంబసభ్యులు హైదరాబాద్ బంజారాహిల్స్ లోని ఓ ప్రైవేట్ హాస్పిటల్ లో జాయిన్ చేశారు. బుధవారం మధ్యాహ్నం ఆరోగ్య పరిస్థితి విషమించి, తుదిశ్వాస విడిచినట్లు తెలిపారు. కావూరికి భార్య హేమలత, నలుగురు సంతానం ఉన్నారు. బంజారాహిల్స్ లోని నివాసానికి ఆయన పార్థివదేహాన్ని తరలించారు. గురువారం జూబ్లీహిల్స్ లోని మహాప్రస్థానంలో అంత్యక్రియలు నిర్వహించనున్నట్లు కుటుంబసభ్యులు పేర్కొన్నారు.
