వరంగల్ జిల్లాలో ఎక్సైజ్, ఎన్ఫోర్స్ మెంట్ అధికారుల దాడుల్లో షాకింగ్ నిజాలు వెలుగులోకి వచ్చాయి. శనివారం ( ఆగస్టు 8 ) జరిగిన ఈ దాడులకు సంబంధించి వివరాలిలా ఉన్నాయి.. వరంగల్ జిల్లా నర్సంపేట మండలంలోని పలు కిరాణా షాపుల్లో ఆకస్మిక దాడులు నిర్వహించారు ఎక్సైజ్ అధికారులు. ఈ దాడుల్లో గుడుంబా తయారీలో వాడే కెమికల్స్ స్వాధీనం చేసుకున్నారు అధికారులు.
నర్సంపేట మండలంలోని శ్రీ వెంకటేశ్వర కిరాణం అండ్ జనరల్ స్టోర్స్ లో కెమికల్స్ అమ్మకాలపై సమాచారం అందుకున్న అధికారులు ఇవాళ ఆకస్మిక దాడులు నిర్వహించారు. ఈ దాడుల్లో గుడుంబా తయారీలో వాడే కెమికల్స్ స్వాధీనం చేసుకున్నారు అధికారులు.
ఈ ఘటనపై కేసు నమోదు చేసి దర్యాప్తు చేస్తున్నారు అధికారులు. కిరాణా స్టోర్ యజమాని పుట్టరామస్వామిని అదుపులోకి తీసుకొని విచారిస్తున్నారు. కెమికల్ ఎక్కడి నుంచి తీసుకొచ్చాడు, ఎవరెవరికి విక్రయించాడు వంటి వివరాలు ఆరా తీస్తున్నారు పోలీసులు.
