డెంగీ జ్వరంతో నాలుగు నెలల గర్భిణి మృతి చెందింది. ఈ ఘటన మంగళవారం హైదరాబాద్ లో జరిగింది. ములుగు జిల్లా మంగపేట మండలం బోరునర్సాపూర్ గ్రామానికి చెందిన జక్కం రమ్య, శ్రీనివాస్కు ఇద్దరు కుమార్తెలు. చిన్న కుమార్తె పావని (23) ని రెండేళ్ల క్రితం ఆంధ్రప్రదేశ్లోని ఏలూరు జిల్లా కుక్కునూరు గ్రామానికి చెందిన విజయ్కి ఇచ్చి పెళ్లి చేశారు.
ప్రస్తుతం పావని నాలుగు నెలల గర్భిణి. మూడు రోజుల పాటు ఆమెకు జ్వరంగా ఉండడంతో భద్రాచలంలోని ఓ ప్రైవేటు ఆస్పత్రిలో టెస్టులు చేయించగా డెంగీ అని తేలింది. వెంటనే బాధితురాలిని సోమవారం హైదరాబాద్కు తరలించి ప్రైవేటు ఆస్పత్రిలో చేర్పించారు. బాధితురాలు చికిత్స పొందుతూ మంగళవారం ఉదయం చనిపోయింది. పావని మృతితో అటు అత్తవారి ఊరు కుక్కునూరు, ఇటు తెలంగాణలోని మంగపేట బోరునర్సాపూర్ లో విషాదం నెలకొంది.
