- ప్రభుత్వం 10 వేల జాబ్స్కు కూడా నోటిఫికేషన్లు ఇవ్వలేదు
- జాబ్ క్యాలెండర్కు పాతరేసిందని ఫైర్
హైదరాబాద్, వెలుగు: అధికారంలోకి వచ్చిన తొలి ఏడాదిలోనే 2 లక్షల ఉద్యోగాలు ఇస్తామని హామీ ఇచ్చిన కాంగ్రెస్.. ఇప్పుడేమో ఐదేండ్లలో భర్తీ చేస్తామని చెబుతున్నదని బీఆర్ఎస్వర్కింగ్ప్రెసిడెంట్ కేటీఆర్ మండిపడ్డారు. అధికారంలోకి రాకముందు తొలి ఏడాదిలోనే అని చెప్పి.. ఇప్పుడు ఐదేండ్లలో ఇస్తామంటూ పీసీసీ చీఫ్తో సీఎం చిలుకపలుకులు పలికిస్తున్నారని ఫైర్ అయ్యారు. ఈ మేరకు మంగళవారం ప్రకటన విడుదల చేశారు. ‘‘తొలి ఏడాదిలోనే 2 లక్షల ఉద్యోగాలు ఇవ్వకుంటే ప్రభుత్వాన్ని దించేయాలంటూ ఢిల్లీ నుంచి వచ్చి మరీ ప్రియాంక గాంధీ చెప్పారు. ఆమె చెప్పిన మాటలు అమలై ఉంటే.. ఈ దగాకోరు సర్కారు కుప్పకూలి ఇప్పటికే ఏడాది పూర్తయ్యేది.
కేసీఆర్హయాంలో నోటిఫికేషన్లు ఇచ్చిన 65 వేల ఉద్యోగాలకు నియామక పత్రాలు ఇచ్చి ఫొటోలకు ఫోజులు కొట్టిన సీఎం రేవంత్.. ఆ తర్వాత మొత్తానికే చేతులెత్తేశారు. దీంతో రాష్ట్రంలో రిక్రూట్మెంట్జీరోగా మారిపోయింది. పట్టుమని 10వేల ఉద్యోగాలకు కూడా కాంగ్రెస్ ప్రభుత్వం నోటిఫికేషన్లు ఇవ్వలేదు” అని కేటీఆర్ మండిపడ్డారు. ‘‘ప్రభుత్వం జాబ్క్యాలెండర్కు పాతరేసి, స్కామ్లు చేస్తూ జేబులు నింపుకుంటున్నది. నిరుద్యోగులనే కాకుండా రాష్ట్రంలోని అన్ని వర్గాలను ప్రభుత్వం మోసం చేసింది” అని అన్నారు.
గులాబీ జెండా ఎగరాలి..
మున్సిపల్ ఎన్నికల్లో అన్నిచోట్ల గులాబీ జెండా ఎగరాలని పార్టీ నేతలకు కేటీఆర్పిలుపునిచ్చారు. మంగళవారం పార్టీ నియోజకవర్గ ఇన్చార్జులు, మున్సిపల్కోఆర్డినేటర్లు, జిల్లా అధ్యక్షులతో ఆయన టెలీకాన్ఫరెన్స్ నిర్వహించారు. ‘‘రెండేండ్లలోనే కాంగ్రెస్పై ప్రజల్లో వ్యతిరేకత ఏర్పడింది. రాష్ట్రవ్యాప్తంగా బీఆర్ఎస్కు అనుకూల వాతావరణం ఉంది. అందరూ సమన్వయంతో పనిచేస్తేనే గెలుపు సాధ్యం. ప్రచారంపై దృష్టిపెట్టాలి” అని సూచించారు.
