తమిళ స్టార్ హీరో సూర్య కెరీర్ లో బిగ్గెస్ట్ హిట్ మూవీస్ అంటే సింగం సిరీస్ అనే చెప్పాలి. మాస్ డైరెక్టర్ హరి తెరకెక్కించిన ఈ సిరీస్ లో పవర్ఫుల్ పోలీస్ ఆఫీసర్ పాత్రలో కనిపించాడు సూర్య. ఈ మూడు సినిమాలు తమిళంతో పాటు తెలుగులోనూ సూపర్ సక్సెస్ అయ్యాయి. ఈ సిరీస్ సినిమాలకు సపరేట్ ఫ్యాన్ బేస్ ఉందంటే అతిశయోక్తి లేదు. ఎందుకంటే.. ఈ సినిమాల్లో సూర్య యాక్టింగ్, యాక్షన్ సీక్వెన్సెస్ నెక్స్ట్ లేవల్లో ఉంటాయి. అందుకే అంతలా ఈ సినిమాలు ఆడియన్స్ ని మెస్మరైజ్ చేశాయి.
ఇక సింగం 3 రిలీజ్ సమయంలోనే సింగం 4 కూడా ఖచ్చితంగా ఉంటుందని చెప్పుకొచ్చారు మేకర్స్. అప్పటినుండి ఈ సీక్వెల్ ఎప్పుడెప్పుడు వస్తుందా అని సూర్య ఫ్యాన్స్ ఎదురుచూస్తున్నారు. నిజానికి సూర్యని సింగం లాంటి మాస్ క్యారెక్టర్ లో చూసి కూడా చాలాకాలం అయ్యింది. అందుకే సింగం 4 సీక్వెల్ త్వరగా స్టార్ట్ చేయాలంటూ డైరెక్టర్ హరిని సూర్య ఫ్యాన్స్ సోషల్ మీడియా వేధికగా రిక్వెస్ట్ చేస్తున్నారు. ఈక్రమంలోనే.. తాజాగా ఈ సినిమాకి సంబంధించిన న్యూస్ ఒకటి సోషల్ మీడియాలో వైరల్ అవుతోంది. అదేంటంటే.. సింగం 4 త్వరలో మొదలుకానుందట. ప్రస్తుతం.. సూర్య డైరెక్టర్ శివతో కంగువ అనే పాన్ ఇండియా మూవీని చేస్తున్నాడు. భారీ బడ్జెట్ తో తెరకెక్కుతోన్న ఈ మూవీ.. ప్రపంచవ్యాప్తంగా 10 భాషల్లో రిలీజ్ కానుంది.
మరోపక్క డైరెక్టర్ హరి కూడా ఫుల్ బిజీగా ఉన్నాడు. ఈ దర్శకుడు ఈ మధ్యే హీరో విశాల్ తో ఒక సినిమాని స్టార్ట్ చేశాడు. ప్రస్తుతం ఈ సినిమా షూటింగ్ షెరవేగంగా జరుగుతోంది. ఈ సినిమా పూర్తైన వెంటనే.. సింగం 4 కి సంబంధించిన ప్రీ ప్రొడక్షన్ పనులు మొదలుపెట్టనున్నాడు హరి. ఈ వార్త తెలుసుకున్న సూర్య మరియు సింగం సిరీస్ అభిమానులు ఫుల్ ఖుషీ అవుతున్నారు. ఇక ఇప్పటివరకు వచ్చిన ఈ మూడు సిరీస్ లలో హీరోయిన్ గా నటించిన అనుష్కనే నాలుగో సీక్వెల్ లో కూడా నటించనుంది అనే వార్తలు వినిపిస్తున్నాయి. మరి సింగం 4తో రానున్న సూర్య ఈసారి బాక్సాఫీస్ దగ్గర ఎలాంటి ఇంపాక్ట్ క్రియేట్ చేయనున్నాడో చూడాలి.
