ప్రముఖ కొరియోగ్రాఫర్, దర్శకుడు రాఘవ లారెన్స్(Raghava Lawrence), మరో దర్శకుడు ఎస్ జే సూర్య(SJ Surya) కాంబోలో వచ్చిన లేటెస్ట్ మూవీ జిగర్ తండ డబుల్ ఎక్స్(jigarthanda doublex). తమిళ దర్శకుడు కార్తీక్ సుబ్బరాజు(Karthik subbaraju) తెరకెక్కించిన ఈ మూవీ నవంబర్ 10న ప్రేక్షకుల ముందుకు వచ్చింది. 2014లో వచ్చిన సూపర్ హిట్ మూవీ జిగర్ తండ మూవీకి సీక్వెల్ గా వచ్చిన ఈ సినిమా ఆడియన్స్ ను ఫుల్లుగా ఆకట్టుకుంది. టీజర్,ట్రైలర్ తో రిలీజ్ కు ముందే మంచి అంచనాలు క్రియేట్ చేసిన ఈ సినిమా ఆ అంచనాలను అందుకోవడంలో సక్సెస్ అయ్యింది.
దీంతో బాక్సాఫీస్ వద్ద అదిరిపోయే కలెక్షన్స్ రాబట్టింది ఈ మూవీ. కేవలం పదిరోజుల్లోనే రూ.50 కోట్లు కలెక్ట్ చేసింది ఈ మూవీ. అయితే తాజాగా ఈ సినిమా ఓటీటీ రిలీజ్ గురించి ఒక వార్త సోషల్ మీడియాలో వైరల్ గా మారింది. జిగర్ తండ డబుల్ ఎక్స్ రిలీజై దాదాపు 15 రోజులు కావస్తోంది. ఆల్రెడీ కొత్త సినిమాలు రిలీజ్ అవడంతో ఈ మూవీ సందడి కూడా తగ్గింది. దీంతో జిగర్ తండ డబుల్ ఎక్స్ సినిమాను ఓటీటీ రిలీజ్ చేసేందుకు సిద్దమయ్యారట మేకర్స్. ఈ సినిమా డిజిటల్ హక్కులను దక్కించుకున్న నెట్ ఫ్లిక్స్ సంస్థ డిసెంబర్ 8 నుండి స్ట్రీమింగ్ చేయాలని అనుకుంటున్నారట. త్వరలోనే ఈ విషయంపై అధికారిక ప్రకటన రానుంది. మరి థియేటర్స్ లో సూపర్ హిట్ టాక్ తెచ్చుకున్న ఈ సినిమాకు ఓటీటీలో ఎలాంటి రెస్పాన్స్ వస్తుందో చూడాలి.
