‘ఆర్ఆర్ఆర్’ చిత్రంతో జాతీయ స్థాయిలో క్రేజ్ తెచ్చుకున్నాడు ఎన్టీఆర్. ఇటీవల ఓ మీడియా సంస్థ ఏప్రిల్‌ నెలకు సంబంధించి విడుదల చేసిన మోస్ట్ పాపులర్ స్టార్స్‌ ఆఫ్ తెలుగు జాబితాలో ఎన్టీఆర్ టాప్‌ ప్లేస్‌‌‌‌‌‌‌‌‌‌‌‌‌‌‌‌లో నిలిచాడు. ‘ఆర్ఆర్ఆర్’ చిత్రంలో కొమురం భీమ్‌‌‌‌‌‌‌‌‌‌‌‌‌‌‌‌గా తన నటనే తారక్‌‌‌‌‌‌‌‌‌‌‌‌‌‌‌‌ని టాప్‌ ప్లేస్‌‌‌‌‌‌‌‌‌‌‌‌‌‌‌‌లో నిలబెట్టిందనడంలో సందేహం లేదు. మరోవైపు ఎన్టీఆర్ ఫ్యాన్స్‌ కూడా తన ఇమేజ్‌‌‌‌‌‌‌‌‌‌‌‌‌‌‌‌ని మరింత పెంచే పనులు చేస్తున్నారు. సామాజిక సేవా కార్యక్రమాల్లో ముందుంటున్నారు. ఆకలితో బాధపడే వారి కోసం ‘డొనేట్ ఎ మీల్’ అనే కార్యక్రమాన్ని నిర్వహిస్తున్నారు. ఐదు రాష్ట్రాల్లోని 133 లొకేషన్స్‌‌‌‌‌‌‌‌‌‌‌‌‌‌‌‌లో ఆరు వందల రోజుల పాటు అన్నదానం చేసి ఓ రికార్డు నెలకొల్పారు. ‘టీమ్ తారక్ ట్రస్ట్’ సభ్యులు చేస్తున్న ఈ కార్యక్రమానికి విశేష స్పందన లభిస్తోంది. ఇవన్నీ ఒకెత్తయితే.. ఎన్టీఆర్ చేస్తున్న సినిమాలు మరొకెత్తు. ‘ఆర్ఆర్ఆర్’తో ప్యాన్ ఇండియా రేంజ్‌‌‌‌‌‌‌‌‌‌‌‌‌‌‌‌లో పాపులర్ కావడంతో ఇప్పుడు అందరి చూపు తన నెక్స్ట్ మూవీస్‌ పైనే ఉంది. కొరటాల శివ దర్శకత్వంలో ఎన్టీఆర్ నటించబోయే చిత్రం రెగ్యులర్‌ షూటింగ్ జూన్ నుంచి ప్రారంభం కానుంది. ఈ నెల 20న తారక్ బర్త్‌ డే కావడంతో ఈ మూవీకి సంబంధించిన అప్‌‌‌‌‌‌‌‌‌‌‌‌‌‌‌‌డేట్ ఇస్తారని ఆసక్తిగా ఎదురు చూస్తున్నారు అభిమానులు. ఆమధ్య ‘ఆచార్య’ ప్రమోషన్స్‌‌‌‌‌‌‌‌‌‌‌‌‌‌‌‌లో కొరటాల శివ కూడా ఇదే చెప్పారు. అలాగే ప్రశాంత్‌ నీల్‌ డైరెక్షన్‌‌‌‌‌‌‌‌‌‌‌‌‌‌‌‌లోనూ ఎన్టీఆర్ నటించనున్నాడు. ఇందుకు సంబంధించిన అఫీషియల్ అనౌన్స్‌‌‌‌‌‌‌‌‌‌‌‌‌‌‌‌మెంట్‌ కూడా బర్త్‌ డేకి వచ్చే అవకాశాలు కనిపిస్తున్నాయి. ఇందులోని కీలక పాత్ర కోసం కమల్‌ హాసన్‌‌‌‌‌‌‌‌‌‌‌‌‌‌‌‌ను ఒప్పించే ప్రయత్నాలు జరుగుతున్నట్టు టాక్. ఆయన ఒప్పుకుంటే సినిమా స్థాయి మరింత పెరుగుతుంది. ఈ ఇయర్‌ ఎండింగ్‌‌‌‌‌‌‌‌‌‌‌‌‌‌‌‌లో ఇది పట్టాలెక్కనుంది.
