మత్తు వదలరా, దొంగలున్నారు జాగ్రత్త చిత్రాలతో హీరోగా ఇంప్రెస్ చేసిన కీరవాణి కొడుకు శ్రీసింహా.. త్వరలో ‘భాగ్‌ సాలే’ చిత్రంతో ప్రేక్షకుల ముందుకొస్తున్నాడు. ప్రణీత్ సాయి డైరెక్ట్ చేస్తున్న ఈ క్రైమ్ కామెడీ థ్రిల్లర్‌‌‌‌‌‌‌‌ను అర్జున్ దాస్యన్, యష్ రంగినేని, కళ్యాణ్ సింగనమల నిర్మిస్తున్నారు. నేహా సొలంకి హీరోయిన్. కాల భైరవ సంగీతం అందిస్తున్నాడు.
‘ప్రేమ కోసం’ అనే మాస్ సాంగ్‌‌‌‌ను సోమవారం విడుదల చేశారు. కాసర్ల శ్యామ్ లిరిక్స్ రాసిన ఈ పాటను మంగ్లీ ఎనర్జిటిక్‌‌‌‌గా పాడింది. ‘సన్ లైటు, మూన్ లైటు.. మించిందేరా లవ్ లైటూ.. వద్దు చాటు, వద్దు లేటు.. ఉంటే చాలు కొంత చోటు’ అంటూ సాగిన ఈ పాటకు నందినీ రాయ్ తన డ్యాన్స్ మూమెంట్స్‌‌‌‌తో జోష్ తీసుకొచ్చింది. జాన్ విజయ్, నందినీ రాయ్ కీలకపాత్రలు పోషిస్తున్న ఈ చిత్రంలో రాజీవ్ కనకాల, వైవాహర్ష, సత్య, సుదర్శన్, వర్షిణి ఇతర పాత్రల్లో కనిపించనున్నారు. షూటింగ్ పూర్తయిన ఈ మూవీ త్వరలో ప్రేక్షకుల ముందుకు రానుంది.
