కూకట్పల్లి, వెలుగు: పని చేస్తున్న సైట్లోనే కాపర్ చోరీ చేసి విక్రయిస్తున్న నలుగురు సెక్యూరిటీ గార్డ్స్ను కూకట్పల్లి పోలీసులు అరెస్టు చేశారు. కూకట్పల్లి ఐడీఎల్ రోడ్డులోని మకుట తరంగ సైట్ వద్ద నిర్మాణ పనులు జరుగుతున్నాయి. దీనికి సమీపంలోనే ఇదే సంస్థకు చెందిన మకుట త్రిపుర సైట్లో కూడా నిర్మాణ పనులు జరుగుతున్నాయి. మకుట తరంగలో తరచూ కాపర్ వైర్ చోరీకి గురవుతుండడంతో సంస్థ ప్రతినిధులు పోలీసులకు ఫిర్యాదు చేశారు.
ఈ ప్రాంతంపై నిఘా పెట్టిన పోలీసులు మకుట త్రిపుర సైట్లోని సెక్యూరిటీ గార్డ్స్ లఖింద్ర బోరవు (26), అనుపమ్ గొగోయ్ (26), నీతు దాస్ (25), నట జ్యోతి దాస్ (25)ను అదుపులోకి తీసుకున్నారు. అస్సాంకు చెందిన వీరందరూ ఇక్కడ సెక్యూరిటీ గార్డ్స్ గా పనిచేస్తున్నారు. పోలీసుల విచారణలో తామే కాపర్ వైర్ చోరీ చేశామని అంగీకరించారు. వీరి నుంచి దాదాపు రూ. 5 లక్షల విలువ చేసే కాపర్ వైర్ను స్వాధీనం చేసుకున్నారు. నిందితులను అరెస్టు చేసి రిమాండ్కు తరలించారు.
