- సీపీఐ నేత కూనంనేని సాంబశివ రావు
హైదరాబాద్, వెలుగు: రాష్ట్రంలో బలంగా ఉన్న నియోజకవర్గాల్లో సీపీఐ, సీపీఎంలు కచ్చితంగా పోటీ చేస్తాయని సీపీఐ రాష్ట్ర కార్యదర్శి కూనం నేని సాంబశివ రావు స్పష్టం చేశారు. బుధవారం ఆయన హైదరాబాద్ మగ్దూంభవన్లో చాడ వెంకట్రెడ్డి, పల్లా వెంకట్రెడ్డితో కలిసి మీడియాతో మాట్లాడారు. ఆర్టీసీ, ప్రజా సమస్యలపై పోరాటం చేస్తామని చెప్పారు.
సేవ్ ఆర్టీసీ పేరుతో ఈ నెల 24 నుంచి 30 వరకు అన్ని డిపోల ముందు నిరసన కార్యక్రమాలు చేపడతామని వెల్లడిం చారు. పేదల గుడిసెలకు పట్టాలు, ఇండ్లు సహా వివిధ సమస్యలపై ఆగస్టు 7 నుంచి కలెక్టరేట్లు, ప్రభుత్వ ఆఫీసులను ముట్టడిస్తామని చెప్పారు. కేరళలో కాంగ్రెస్ తమకు ప్రత్యర్థి అయి నా.. దేశ ప్రయోజనాల దృ ష్ట్యా ఇండియా కూటమిలో చేరామన్నారు.
