చార్మినార్ వెలుగు: హైకోర్టు ఎదురు గల్లీలోని మదీనా మార్కెట్సునీత టెక్స్టైల్స్ వద్ద ఉన్న బాంబే హోజరీ హోల్‌‌‌‌సేల్ షాప్, గోడౌన్లో సోమవారం తెల్లవారుజామున భారీ అగ్నిప్రమాదం సంభవించింది. ఈ బిల్డింగ్ మూడంతస్తుల్లో ఉంది. ఇక్కడ మూడు షట్టర్లలో బాంబే హోజరీకి చెందిన షాపులు, గోదాములు ఉన్నాయి. మిగతా ఏడు షట్టర్లలో ఇతర వ్యాపారులు బట్టల వ్యాపారం చేస్తున్నారు..
సోమవారం ఉదయం ఐదు గంటలకు షార్ట్సర్క్యూట్తో ఒక్క సారిగా మంటలు చెలరేగడం, లోపల భారీగా బట్టల స్టాక్ ఉండడంతో కోట్లాది రూపాయల విలువైన బట్టలు కాలిపోయాయి. సుమారు ఐదు గంటల ప్రాంతంలో ప్రమాదం జరగడంతో ఎటువంటి ప్రాణనష్టం సంభవించలేదు. ఫైర్ఫైటర్స్ ఐదు ఫైరింజన్లతో కొన్ని గంటల పాటు కష్టపడి మంటలను అదుపులోకి తెచ్చారు. చార్మినార్ పోలీసులు రంగంలో దిగి సహాయక చర్యలను పర్యవేక్షించారు. కేసు నమోదు చేసి దర్యాప్తు చేస్తున్నారు. అగ్నిప్రమాదం విషయం తెలుసుకున్న స్థానిక ఎమ్మెల్యే జుల్ఫికర్అలీ బాధితులను పరామర్శించారు.
