జూబ్లీహిల్స్, వెలుగు : జూబ్లీహిల్స్‌‌‌‌లో అనుమతులు లేకుండా నిర్వహిస్తున్న హుక్కా సెంటర్ పై పోలీసులు కేసు నమోదు చేశారు. జూబ్లీహిల్స్ చెక్‌‌‌‌పోస్ట్ మెట్రో సమీపంలోని రోడ్ నంబర్ 36లో, జూబ్లీ ఫెస్టా ఇన్ హోటల్ భవనం ఐదో అంతస్తు టెర్రస్‌‌‌‌పై దశానన్ రావణ్ కేఫ్ నిర్వహిస్తున్నారు.
ఈ విషయం తెలుసుకున్న పోలీసులు రైడ్స్చేయగా, 26 మంది వినియోగదారులు హుక్కా సేవిస్తూ దొరికారు. ట్రేడ్ లైసెన్స్, పోలీస్ లైసెన్స్, ప్రత్యేక స్మోకింగ్ జోన్ లేవని పోలీసులు నిర్ధారించారు. హుక్కా సెంటర్ లో సామగ్రి స్వాధీనం చేసుకున్నామని, కేఫ్ యజమాన, బిల్డింగ్ఓనర్, మేనేజర్, సిబ్బందిపై కేసు నమోదు చేసినట్టు జూబ్లీహిల్స్ ఎస్ఐ ఎ. సందీప్ రెడ్డి తెలిపారు.
