నవాబుపేట, వెలుగు: లీగల్ నోటీస్ రావడంతో భయపడిపోయిన ఓ వ్యక్తి గ్రామ శివారులోని చెట్టుకు ఉరి వేసుకున్నాడు. కుటుంబ సభ్యులు తెలిపిన వివరాల ప్రకారం.. మహబూబ్నగర్జిల్లా నవాబుపేట మండలం దరిపల్లి గ్రామానికి చెందిన భక్తుల శేఖర్(38) గతంలో తనకున్న పొలాన్ని అమ్మాపూర్ గ్రామానికి చెందిన వ్యక్తులకు అమ్మాడు. పొలం రిజిస్ట్రేషన్ చేయించుకున్న సదరు వ్యక్తులు తమకు ఇంకా శేఖర్బాకీ ఉన్నాడని కోర్టుకు వెళ్లారు. దాంతో శేఖర్కు లీగల్ నోటీసులు వచ్చాయి. బుధవారం కోర్టు హియరింగ్ ఉండడంతో భయపడిపోయిన శేఖర్ సోమవారం రాత్రి గ్రామ శివారులోని తుమ్మ చెట్టుకు ఉరి వేసుకుని ఆత్మహత్య చేసుకున్నాడు. మృతుడికి భార్య, ముగ్గురు పిల్లలు ఉన్నారు.
