భద్రాచలం, వెలుగు : మహారాష్ట్రలో మళ్లీ మావోయిస్టుల కలకలం మొదలైంది. గడ్చిరోలి జిల్లాలో ఈ నెల 30వ తేదీ వరకు బంద్ పాటించాలంటూ బ్యానర్లు, కరపత్రాలు కనిపించాయి. భూమి, నీరు, గూడు సమస్యల పరిష్కారం పేరుతో గడ్చిరోలి జిల్లా బామ్రాగఢ్ తాలూకాలోని హిదూర్-దోబూర్రహదారిపై ఆదివారం ఈ పోస్టర్లు కనిపించాయి. కాగా, ఇదే జిల్లాలో మావోయిస్టుల పేరుతో ప్రజల్లో భయాందోళనలు సృష్టించే కుట్రను పోలీసులు ఇటీవల భగ్నం చేశారు. ఈ నెల 12న పిప్లీబుర్గి పోలీస్ స్టేషన్ పరిధిలోని జిజావండి టోలా రహదారిలో మావోయిస్టుల పేరుతో బ్యానర్లు, కరపత్రాలు కనిపించాయి. ఎస్పీ ఎం.రమేశ్ ఆదేశాలతో రంగంలోకి దిగిన పోలీసులు విచారణ జరిపి ఛత్తీస్గఢ్రాష్ట్రం కాంకేర్జిల్లా పకాంజూర్ పోలీస్స్టేషన్పరిధిలోని తరుణ్నగర్కు చెందిన శివ అనిల్మిస్త్రీ, మహారాష్ట్రలోని గడ్చిరోలి జిల్లా ఎటపల్లి తాలూకా వటేలీ గ్రామానికి చెందిన రోహిత్ రంజిత్మల్లిక్ను శనివారం అరెస్ట్ చేశారు. ఈ గ్యాంగ్కు చెందిన వారే ప్రజల్లో భయాందోళనలు రేకెత్తించేందుకు కుట్రలు చేస్తున్నారని మహారాష్ట్ర పోలీసులు అనుమానిస్తున్నారు.
