తొర్రూరు, వెలుగు: మున్సిపాలిటీ ఎన్నికల్లో ప్రజాప్రభుత్వాన్ని ఆదరించి గెలిపిస్తే రాష్ట్రంలోనే తొర్రూరు మున్సిపాలిటీని మోడల్ మున్సిపాలిటీగా తీర్చిదిద్దుతామని పాలకుర్తి ఎమ్మెల్యే యశస్వినిరెడ్డి, టీపీసీసీ వైస్ ప్రెసిడెంట్ హనుమాండ్ల ఝాన్సీరెడ్డి అన్నారు. మున్సిపాల్ ఎన్నికల నేపథ్యంలో శుక్రవారం పట్టణంలోని 8, 13 వార్డుల్లో కాంగ్రెస్ అభ్యర్థులు సుమలత నరేశ్ రెడ్డి, బసనబోయిన ఐలమ్మ తరఫున ఇంటింటి ప్రచారం చేశారు.
ఈ సందర్భంగా వారు వార్డు పరిధిలోని ప్రతి ఇంటిని సందర్శిస్తూ ప్రజలను ఆత్మీయంగా పలకరిస్తూ ఓటు వేయాలని అభ్యర్థించారు. చేపట్టిన అభివృద్ధి కార్యక్రమాలు, భవిష్యత్ ప్రణాళికలను వివరించారు. త్వరలో జరిగే మున్సిపల్ ఎన్నికల్లో తొర్రూరు మున్సిపాలిటీలో 16 వార్డుల్లో క్లీన్స్వీప్ చేసి మున్సిపాలిటీపై కాంగ్రెస్ జెండా ఎగురవేస్తామని ధీమా వ్యక్తం చేశారు. కార్యక్రమంలో కాంగ్రెస్ నాయకులు, కార్యకర్తలు, ప్రజలు పాల్గొన్నారు.
