- రేవంత్ జనరంజక పాలన అందిస్తున్నరు : మోత్కుపల్లి
హైదరాబాద్, వెలుగు: సీఎం రేవంత్ రెడ్డి జన రంజక, అద్భుత పాలన అందిస్తున్నారని మాజీ మంత్రి, సీనియర్ నేత మోత్కుపల్లి నర్సింహులు అన్నారు. నెల రోజుల పాలనలో రాష్ట్ర ప్రజలు సంతోషంగా ఉన్నారని ఆయన తెలిపారు. శనివారం ఆయన సెక్రటేరియెట్ లో సీఎం రేవంత్ను కలిసి శుభాకాంక్షలు తెలిపారు. అనంతరం మీడియా పాయింట్ లో మోత్కుపల్లి మాట్లాడారు. భవిష్యత్తులో నూ ఇదే ఒరవడిని కొనసాగించాలని ఆకాంక్షించారు. కాగా, శనివారం సీఎం రేవంత్ను మహేశ్వరం మాజీ ఎమ్మెల్యే తీగల కృష్ణారెడ్డి, హీరో వెంకటేశ్, ప్రముఖ నిర్మాత దుగ్గుబాటి సురేశ్బాబు జూబ్లీహిల్స్లోని ఆయన నివాసంలో మర్యాద పూర్వకంగా కలిశారు.
