దోశ.. అనంగనే లొట్టలేసుకుంటూ తిందమనుకుంటున్నరేమో..! ఇది చట్నీలో అద్దుకునో, సాంబార్లో కలుపుకునో తినే దోశ కాదండీ బాబూ! ఇది మస్తు..మస్తు బొమ్మలు చూపించే దోశ! అర్థం కాలేదా? ఇది ‘దోశ టీవీ’! షాకయ్యారా! ప్రముఖ మొబైల్ కంపెనీ వన్ప్లస్ కంపెనీ తీసుకొస్తుందని చెబుతున్న ‘దోశ టీవీ’! కొన్ని రోజులగా ఈ దోశ టీవీపై సోషల్ మీడియాలో తెగ చర్చలు నడుస్తున్నాయి. అయితే, అది జస్ట్ కోడ్నేమ్ అన్న చర్చ కూడా నడుస్తోంది. కేవలం ఇండియాకే దీనిని స్పెషల్గా తీసుకొస్తున్నట్టు చెబుతున్నారు. సెప్టెంబర్లో దానిని లాంచ్ చేసే అవకాశమున్నట్టు సమాచారం. ఆ టీవీకి సంబంధించి ఫీచర్లు కూడా సోషల్మీడియాలో వైరల్ అవుతున్నాయి. 1080 రిజల్యూషన్తో మాత్రమే పనిచేసే ఈ టీవీ స్క్రీన్, 4కేకి కూడా అనువుగా ఉంటుందన్న వార్తలు వినిపిస్తున్నాయి. క్వాడ్కోర్ మీడియాటెక్ ఎంటీ5670 చిప్సెట్తో పనిచేస్తుందని చెబుతున్నారు. మాలి–జీ51 ఎంపీ3 జీపీయూతో వచ్చే ఈ టీవీకి 3జీబీ ర్యాం ఉంటుందంటున్నారు.