వర్క్ స్పేస్, గూగుల్ క్లౌడ్ ఖాతాల కోసం పాస్కీ సపోర్ట్ మొదలుపెట్టింది గూగుల్. ఇకమీదట లాగిన్ చేసేటప్పుడు పాస్వర్డ్కు బదులుగా పాస్ కీ వాడొచ్చు. యాప్స్, వెబ్సైట్స్లో సైన్ ఇన్ చేసేందుకు పిన్, టచ్ లేదా ఫేస్ ఐడిలను వాడితే చాలు. ఈ ఏడాది మే నెల మొదట్లో గూగుల్ పర్సనల్ అకౌంట్స్ కోసం సైన్-ఇన్ ఆప్షన్గా పాస్కీల వాడకాన్ని ఇచ్చింది. ఇప్పుడు అదే వర్క్స్పేస్ అకౌంట్స్కు కూడా వచ్చేసిందన్నమాట. అయితే... పాస్వర్డ్ లాగిన్లకు మాత్రమే పాస్కీలు సపోర్టు చేస్తాయి. అలాగే యాప్స్, వెబ్సైట్స్లో లాగిన్ అయ్యేందుకు యూజర్లు పిన్, ఫింగర్ ప్రింట్ స్కానర్, ఫేస్ అన్లాక్ వంటివి వాడొచ్చు. పాస్వర్డ్ లేకుండా సైన్-ఇన్ చేయడం వల్ల ఫిషింగ్ ప్రమాదంతో పాటు ఇతర సోషల్ ఇంజనీరింగ్ ఎటాక్స్ కాకుండా తగ్గించొచ్చు. ఓపెన్ బీటా లాంచ్ చేయడంతో, 90 లక్షలకు పైగా సంస్థలు తమ యూజర్లకు గూగుల్ వర్క్స్పేస్లో, గూగుల్ క్లౌడ్ అకౌంట్లలో పాస్వర్డ్కు బదులు పాస్కీతో సైన్ ఇన్ చేసే ఛాన్స్ ఇచ్చాయి. పాస్కీస్ అనేవి యూజర్లు తమ ఫోన్, ల్యాప్ టాప్ లేదా డెస్క్ టాప్స్లో పర్సనల్ గూగుల్ ఖాతాల్లో సైన్ ఇన్ చేయడానికి పాస్ వర్డ్స్ వాడుకోవచ్చు. పాస్వర్డ్కు బదులు పాస్కీ వాడడం వల్ల ఫిషింగ్, ఇతర ఆన్లైన్ దాడులు తగ్గుతాయంటున్నారు ఎక్స్పర్ట్స్. అదొక్కటే కాదు పాస్వర్డ్ బదులుగా పాస్కీలు వాడడం వల్ల స్పీడ్ రెట్టింపు అయిందని రీసెర్చ్లో తేలిందని చెప్పింది గూగుల్. స్పీడ్ ఒక్కటే కాకుండా పాస్వర్డ్లతో పోలిస్తే పాస్కీలు వాడటం వల్ల ఎర్రర్ వచ్చే అవకాశం నాలుగు రెట్లు తక్కువ. ఇక ప్రైవసీ విషయానికి వస్తే ‘‘యూజర్ల బయోమెట్రిక్ డాటా గూగుల్ సర్వర్లు లేదా ఇతర వెబ్సైట్లు, యాప్లకు ఎప్పటికీ షేర్ కాదు” అని గట్టిగా చెప్తోంది గూగుల్. గూగుల్ పాస్కీ సపోర్టు ఆండ్రాయిడ్, విండోస్, క్రోమ్ ఓఎస్, ఐఓఎస్, మ్యాక్ ఓఎస్లలో అందుబాటులో ఉంది. క్రోమ్, సఫారీ, మైక్రోసాఫ్ట్ ఎడ్జ్ వంటి ఫేమస్ బ్రౌజర్లు వెబ్లో ఈ ఫీచర్ను సపోర్ట్ చేస్తాయి.
వాటిని మించిపోతాయి
సైబర్ సెక్యూరిటీ స్పేస్లో పాస్ వర్డ్, పాస్ వర్డ్ మేనేజర్లను పాస్కీలు మించిపోతాయని గట్టిగా చెప్తున్నారు. గూగుల్తో పాటు యాపిల్, స్నాప్ వంటి టాప్ టెక్ కంపెనీలు ఎఫ్ఐడీఓ అలయన్స్ తయారుచేసిన పాస్వర్డ్-–లెస్–సైన్-ఇన్ స్టాండర్డ్తో ఈ కొత్త టూల్ను అడాప్ట్ చేయడాన్ని ఎంకరేజ్ చేస్తున్నాయి. ఇప్పటివరకు వాడిన ట్రెడిషనల్ మెథడ్స్తో పోలిస్తే పాస్కీలు స్పీడ్, ఈజీ, సేఫ్ సైన్-ఇన్స్ ఇస్తాయని నమ్ముతున్నారు. పాస్కీలు వాడడం వల్ల యూజర్స్ వాళ్లకు ఎన్ని అకౌంట్స్ ఇస్తే అన్నింటి పాస్ వర్డ్స్ గుర్తు పెట్టుకోవాల్సిన అవసరం ఉండదు. పాస్ వర్డ్ సెక్యూరిటీ, ఆథరైజేషన్ స్టెప్స్లో యూజర్ల వల్ల జరిగే తప్పులను చాలా వరకు తగ్గించే అవకాశం కూడా ఉంది.
