బాలీవుడ్ బాద్ షా షారుఖ్ ఖాన్ పఠాన్ తో సెన్సేషన్ క్రియేట్ చేశారు. భారతీయ సినిమా ఖ్యాతిని మరోసారి ఎక్కడికో తీసుకెళ్లారు. అయితే పఠాన్ ఎప్పుడెప్పుడు ఓటీటీలో రిలీజ్ అవుతుందా అని ఎదురుచూస్తోన్న షారుఖ్ ఫ్యాన్ కు తాజాగా ఓ గుడ్ న్యూస్ వచ్చింది. ఈ సినిమా ఓటీటీ రైట్స్‌ను ప్రముఖ దిగ్గజ స్ట్రీమింగ్ సంస్థ అమెజాన్ భారీ ధరకు దక్కించుకున్నట్లు తెలుస్తోంది. అయితే ఈ మూవీ స్ర్టీమింగ్ రైట్స్ ను అమెజాన్ దాదాపు రూ.100 కోట్లు పెట్టి మరీ కొనుగోలు చేసిందనే వార్తలు కూడా వినిపిస్తున్నాయి.
కాగా ఈ సినిమా ఏప్రిల్ 25న అమెజాన్ ప్రైమ్ వీడియోలో రిలీజ్ అవుతుందని టాక్. అయితే దీనిపై అధికారికంగా మాత్రం ఎలాంటి ప్రకటనా రాలేదు. ఇప్పటికే ఓటీటీ హక్కులు పొందిన ఈ సినిమా.. భారీ కలెక్షన్లతో దూసుకుపోతోంది. జనవరి 25న 7700 స్క్రీన్స్’లో రిలీజ్ అయిన ఈ మూవీ.. ఇప్పటివరకు దాదాపు రూ. దేశంలో రూ.350కోట్లకు పైగా, ప్రపంచ వ్యాప్తంగా రూ.550కోట్లు వసూలు చేసి రికార్డు సృష్టించింది. హిందీలో బాహుబలి 2 తర్వాత అత్యధిక కలెక్షన్లు రాబట్టిన భారతీయ చిత్రంగానూ పేరు సాధించింది.
