పార్టీ మారిన ఎమ్మెల్యేలపై సీబీఐకి ఫిర్యాదు చేస్తం
పీసీసీ ఉపాధ్యక్షుడు మల్లు రవి
హైదరాబాద్, వెలుగు : కాంగ్రెస్ నుంచి బీఆర్ఎస్లో చేరిన 12 మంది ఎమ్మెల్యేలను విచారించాలని సీబీఐని కోరనున్నట్టు పీసీసీ ఉపాధ్యక్షుడు మల్లు రవి తెలిపారు. శుక్రవారం గాంధీభవన్లో ఆయన మీడియాతో మాట్లాడారు. ఎమ్మెల్యేల కొనుగోలు కేసులో విచారణ చేస్తున్న సీబీఐ.. ఆ ఎమ్మెల్యేలు పార్టీ మారినప్పటి నుంచి వివరాలు రాబట్టాలన్నారు. సొంత ప్రయోజనాల కోసమే పార్టీ మారారని, అవేంటో విచారణ చేపట్టి తేల్చాలన్నారు. కాంగ్రెస్ నుంచి వెళ్లిన తర్వాత ఆ ఎమ్మెల్యేలు ల్యాండ్ సెటిల్మెంట్లు చేశారని, ఆ ఆధారాలన్నీ సీబీఐకి అందజేస్తామన్నారు.
ఫిరాయింపు టైమ్లో డబ్బులు ఎలా చేతులు మారాయో వివరిస్తామన్నారు. రాజగోపాల్ రెడ్డిపై ఫిర్యాదు చేస్తారా అని ప్రశ్నించగా.. ఆయన రాజీనామా చేసి వెళ్లారన్నారు. పోడెం వీరయ్య పార్టీ మారుతారన్న వార్తల్లో నిజం లేదన్నారు. నారాయణపేట జిల్లా కొడంగల్ సెగ్మెంట్లోని మద్దూరు, దోరేపల్లి గ్రామాల్లోని పలువురు బీఆర్ఎస్ కార్యకర్తలు రేవంత్ సమక్షంలో శుక్రవారం కాంగ్రెస్లో చేశారు.
