యాదగిరిగుట్ట, వెలుగు: యాదాద్రి లక్ష్మీనరసింహస్వామి వడ ప్రసాదంలో ప్లాస్టిక్ కవర్ రావడం కలకలం రేపింది. యాదగిరిగుట్టకు చెందిన సందీప్ అనే భక్తుడు హైదరాబాద్ లో నివాసం ఉంటున్నాడు. ఈ నెల 11న యాదాద్రికి వచ్చిన ఆయన స్వామి నిత్య కల్యాణంలో పాల్గొన్నాడు. కల్యాణ టికెట్ పై లడ్డూలతో పాటు ఐదు వడలు కూడా ఇచ్చారు. స్వామివారి దర్శనం అనంతరం సందీప్హైదరాబాద్ వెళ్లిపోయాడు. సోమవారం వడ ప్రసాదాన్ని తెరచి చూడగా అందులో ప్లాస్టిక్ కవర్ కనిపించింది. దానిని వీడియో, ఫొటోలు తీసి సోషల్ మీడియాలో పోస్ట్ చేయడంతో విషయం వెలుగులోకి వచ్చింది. ఇలాంటి ఘటనలు రిపీట్ కాకుండా సంబంధిత ఆఫీసర్లపై వెంటనే చర్యలు తీసుకోవాలని భక్తులు డిమాండ్‌ చేస్తున్నారు.
