న్యూఢిల్లీ: సీఏఏకు మద్దతుగా నిలవాలంటూ ప్రధాని నరేంద్ర మోడీ ట్విట్టర్లో ప్రచారం ప్రారంభించారు. తప్పుడు ప్రచారాలు నమ్మొద్దని ప్రజలకు విజ్ఞప్తి చేశారు. ఇందులో భాగంగా ఈ చట్టానికి అనుకూలంగా స్వామి సద్గురు జగ్గీ వాసుదేవ్ మాట్లాడుతున్న వీడియోను ఆయన ట్వీట్ చేశారు. ‘సీఏఏ కు సంబంధించి చారిత్రక విశేషాలను, సంస్కృతిని, సోదర భావాన్ని వెల్లడించే ఈ మాటలు వినండి’ అని ప్రధాని కోరారు. ‘సీఏఏ అంటే.. మత విద్వేషం కారణంగా సొంత దేశంలో బాధలు పడలేక ఆశ్రయం కోరి వచ్చే వారికి సిటిజన్షిప్ ఇవ్వడానికి ఉద్దేశించిందే తప్ప ఎవరి సిటిజన్షిప్ను తీసుకోవడానికి కాదు’ అని తన పర్సనల్ వెబ్సైట్లో మోడీ వివరణ ఇచ్చారు. ఇండియా సపోర్ట్స్ సీఏఏ యాష్ట్యాగ్తో ఈ వీడియోను ట్వీట్ చేశారు. దీనికి మద్దతు తెలుపుతూ నమో యాప్లో మెసేజ్చేయాలని ప్రజలకు విజ్ఞప్తి చేశారు.
